ମସାନ୍ ଆ କନୋଡ୍
1 ଲେବିନ୍ ଆକେଜ୍ଜାଲୋଙ୍ସିଲଡ୍ ଅବୟ୍ ମନ୍ରାନ୍ ଜିର୍ରେ ଲେବିନ୍ ଆକେଜ୍ଜାଲୋଙ୍ ସିଲଡ୍ ଅବୟ୍ ଡାଙ୍ଗଡ଼ିବଜନ୍ଆଡଙ୍ ବିବାଲନ୍ । 2 ତିଆସନ୍ ଆନିନ୍ ପାଙ୍ଗୁରନେନ୍ କି ଅବୟ୍ ଓବ୍ବାସିଜନ୍ କୋଡେନ୍ । ଆରି ଓବ୍ବାସିଜନ୍ ଆ ମନନଙ୍ ଗିୟ୍ଲେ ଆନିନ୍ ଆନିନ୍ଆଡଙ୍ ୟାଗି ଆଙ୍ଗାୟ୍ ଜାୟ୍ ସଲେ ଡକ୍କୋଏନ୍ । 3 ବନ୍ଡ ଗୋଗୋୟ୍ ଡିନା ସଲେଡକ୍କୋଲେ ଅଃରପ୍ତିଲୋ, ଆନିନ୍ ଅବୟ୍ କୁରିଙ୍ଜିଙନ୍ ବାତ୍ତେ ଅବୟ୍ ପେଲାନ୍ ଆରି ମାଟିଆ ମିଞଲନ୍ ଡ ଜୁଣାନ୍ ଜବ୍ଲିଡ୍ଲେ ଆନିନ୍ ତି ଆପେଲାଲୋଙ୍ ପସିଜନ୍ଆଡଙ୍ ଡକ୍କୋଡାଲେ ଆନେଙ୍ ଅଲନ୍ କୁରିଙ୍ଜିଙ୍ରେଙନ୍ ଡକ୍କୋଏନ୍ । 4 ଆରି ପସିଜନ୍ଆଡଙ୍ ଇନିଡେତେଗାମ୍ଲେ ପସିଜନ୍ ଆତନାନ୍ ସାଙାୟ୍ ତନଙ୍ଡାଲେ ଗିୟ୍ଗିଜେନ୍ ।
5 ପାରୋ ରାଜାନ୍ ଆ ଡାଙ୍ଗଡ଼ିଅନ୍ ଉମ୍ମାନେନ୍ ଆସନ୍ ଅଲନ୍ ଆରିୟେନ୍, ଆ ସର୍ସିବଜଞ୍ଜି ଅନେଙ୍ ଅଲନ୍ ବୁଲ୍ଲେଏଞ୍ଜି । ତିଆଡିଡ୍ ଆନିନ୍ କୁରିଙ୍ଜିଙ୍ରେଙନ୍ ଅବୟ୍ ପେଲାନ୍ ଗିୟ୍ଲେ ତି ଆପେଲା ପନାଙନ୍ ଆସନ୍ ଆ କମ୍ବାରିବଜଞ୍ଜିଆଡଙ୍ ଆପ୍ପାୟେନ୍ । 6 ଆନିନ୍ ପେଲାନ୍ ରୋଲେ ଅବୟ୍ ଆରେସା ଓବ୍ବାସିଜନ୍ ଗିଜେନ୍ । ଆନିନ୍ ୟେୟେଡାତନ୍, ବନ୍ଡ ଆନିନ୍ ପସିଜନ୍ଆଡଙ୍ ଗିୟ୍ଲେ ଆର୍ଗୁଡ଼ିଡାଏନ୍ । ଆନିନ୍ ଗାମେନ୍, "କେନ୍ଆତେ ଅବୟ୍ ଏବ୍ରିଅ ସିୟ୍ ।"
7 ତି ଆବନେଡ଼ା ଆ ତନାନନ୍ ପାରୋ ରାଜାନ୍ ଆ ଡାଙ୍ଗଡ଼ିଅନ୍ଆଡଙ୍ ବରେନ୍, "ଞେନ୍ ଇୟ୍ଲେ ଆମନ୍ ଆସନ୍ କେନ୍ ଆ ଓବ୍ବାସିଜନ୍ଆଡଙ୍ ଅନବ୍ମେମେନ୍ ଆସନ୍ ଏବ୍ରିଅ ବଜଞ୍ଜିଲୋଙ୍ ସିଲଡ୍ ଅବୟ୍ ଦାଇ ବଜନ୍ ଓଡ୍ଡେଲେ ଓରୋଙାୟ୍ ?"
8 ପାରୋନ୍ ଆ ଡାଙ୍ଗଡିଅନ୍ ଗାମେନ୍, "ଇୟା" ଆନିନ୍ ଡାଙ୍ଗିଡ଼ିବଜନ୍ ଜିର୍ରେ ତି ଆ ଓବ୍ବାସିୟ୍ ଆୟୋଙ୍ଆଡଙ୍ ଓଡ୍ଡେଲେ ଓରୋଙ୍ଲାୟ୍ । 9 ପାରୋନ୍ ଆ ଡାଙ୍ଗଡିଅନ୍ ଅନିନ୍ଆଡଙ୍ ବରେନ୍, "ଆମନ୍ କେନ୍ ଆ ଓବ୍ବାସିୟ୍ ଓରୋଙ୍ଲେ ଞେନ୍ ଆସନ୍ ଇୟ୍ନବ୍ ମେମ୍ମେଆ, ଆରି ଞେନ୍ ଆମନ୍ଆଡଙ୍ ବଡିନ୍ ତିୟ୍ତମ୍ ।" ତି ଆଇବୟ୍ ଓବ୍ବାସିଜନ୍ଆଡଙ୍ ଓରୋଙ୍ଲେ ଇୟ୍ଲେ ଅଃମେମେଏନ୍ । 10 "ତିକ୍କି" ଓବ୍ବାସିଜନ୍ ଆସ୍ରୋଡ଼ାଏନ୍, ଆନିନ୍ ପାରୋନ୍ ଆ ଡ଼ାଙ୍ଗଡିଅନ୍ଆଡଙ୍ ଇୟ୍ଲେ ତିୟେନ୍, ଆରି ଓବ୍ବାସିଜନ୍ ଆ ଡାଙ୍ଗାଡ଼ାଅନନ୍ ଡେଏନ୍ । ତିଆସନ୍ ଆନିନ୍ ଆଞୁମନ୍ ମସା ଅବ୍ଞୁମେନ୍ । "ଇନିଆସନ୍ଗାମେଣ୍ଡେନ୍ ଆନିନ୍ ଗାମେନ୍, ଞେନ୍ ଡାଆଲୋଙନ୍ ସିଲଡ୍ କେନ୍ଆନିନ୍ ଅମ୍ଡୁଙ୍ଲେ ଞାଙ୍ଲାୟ୍ ।"
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)