MATAYO 1

20 Viyakalile yang’hali yoitonga mbuli iyo mtumigwa wa kwa Mulungu kamlawila mzi nzonzi, kamlongela, "Yusufu, mwana Daudi, sekeudumbe kumsola Malia yawe mwehe wako, manake inda yeli nayo ya udaho wa Muhe wa Mulungu. 21 Nayo koibasula mwana wa chilume na gweye komwing’ha zina da Yesu, manake iyo yonda kuwalohola wanhu wake kulawa mmalozo gao." 22 Ivo, ganogose galawilila ili divikile dija Mndewa diyalongile kubitila mlagusi wa Mulungu kua, 23 "Mvimanye mhambe kokwamha inda, kolela mwana wa chilume, nao womkema zina jake Emanueli," manake, "Mulungu kahamwe na cheye." 24 Yusufu viyalamke kulawa mzinhongo katenda kama vialagizigwe na mtumigwa wa kwa Mulungu, kamsola Malia kuwa mwehe wake. 25 Mbali Yusufu hammanyile mwehe wake mbaka viyaibasule mwana wa chilume. Nayo Yusufu kamwing’ha zina, kamkema Yesu.