Mateus 15

Yesu koweng’ha ndia wanhu elufu nne

32 Baho Yesu kawakema waluko wake kalonga, "Nowonela bazi wanhu wano kwa vija wakala na niye mazua madatu, nao sambi wabule ndia isigale. Sitogola kuwaleka wasegele bila kuja, sekewasinduke mnzila. 33 Waluko wake wamlongela Yesu, "Hano chamchiwala, chopatahi ndia ya kwenela wanhu wengi vino?" 34 Yesu kawauza,"mna migate mingahi?" Wamwidika, walonga, "Migate saba na visomba vidodo chidogo." 35 Baho, Yesu kawalagiza wanhu wakale hasi. 36 Kaisola ija migate na vija visomba, kamwing’ha hewela Mulungu na kamega, kaweng’ha waluko nao wawagolela wanhu. 37 Wose waja weguta. Amala wakunzanya vilagale na wamemeza vigelo saba. 38 Wao wadile wakala walume kubita elufu nne, bila kupeta wanachike na wana wadodo.