Mateus 2

Wanhu weli na ilimu ya nhondo wavika kumlola Yesu

1 Yesu viyavumbuke muikae ya Betelehemu uko Uyahudi, msimo Helode viyakalile mfaume. Bahaja tu viyavumbuke Yesu, wanhu weli na ilimu ya nhondo kulawa kuusimbukilo wa zua wavika Yelusalemu, 2 wauza,"Amwee! Kakulihi imwana, yavumbuke mfaume wa Wayahudi? Kwavija chiiona nhondo yake viilawilile kulawa kuusimbukilo wa zua, nacheye chiza kumfugamila."