Mateus 2

3 Mfaume Helode viyahulike gago, iyo na hamwe wose wokala Yelusalemu, wagwa fufunhende ng’hani. 4 Ivo, Helode kawakema hamwe na walava nhambiko wakulu wose na wafunda ndagizi za Musa, kawauza, "Kilisito kovumbuka kulihi?" 5 Wao wamwidika, "Muikae ya Betelehemu, isi ya Yudea." Ivo viyandike mlagusi wa Mulungu.

6 ‘Ngweye, Betelehemu isi ya Yuda, gweye huli mdodo mbee muulongozi wa kae za Yudea,

Kwavija kumwako kolawa mlongozi yonda yawalongoze Waizilaeli.’"

7 Baho Helode kawakema hamgwazo wanhu weli na ilimu ya nhondo na kulonda kuvimanya vinogile kulawa kumwao msimo nhondo ija viiyoneke. 8 Amala kawalagiza waite Betelehemu kawalongela, "Gendeni mkazambwile goya mbuli za mwana iyo, muhavimanya ngalileni usenga ili na nie nidahe kuita kumfugamila."