MATAYO 24

Mtumigwa msang’hana goya na ija hasang’hana goya

45 Yesu kagendelela kulonga, "Ivo yelihi mtumigwa msang’hana goya na yeli na nzewele, ija mndewa wako komtenda yawalongoze wanhu wake, yaweng’he ndia kwa chipindi chake? 46 Kamweda mtumigwa ija mkulu wake yaheza komvika kosang’hana ivo. 47 Nowalongela ukweli, komwika mtumigwa iyo yawimile uzenzi wake wose. 48 Mbali kama mtumigwa yehile yahailongela mmoyo, ‘Mkulu wangu kokawila kubwela,’ 49 Labaho kasonga kuwatoa watumigwa wayage na kusonga kuja na kung’wa na wakoligwa. 50 Zua na saa ija haimanyile mkulu wake kobwela. 51 Komtoa vihile na kumwika fungu dimwe na waja hawamtegeleza. Uko kokua na ndilo na kuluma meno. Manake madununzo makali ng’hani.