Mateus 26

Yesu kopula mdikonde da Getisemane

36 Amala Yesu kaita hamwe na waluko wake mdikonde da Getisemane, kawalongela waluko wake, "Kaleni hano nanie noita haja hamwande kupula." 37 Kawasola Petulo na wana waidi wa Zebedayo, kasonga kua na giogio na kugaya, 38 na kawalongela, "Nina giogio ng’hani mmoyo behi na kudanganika. Kaleni hano muwase meso na nie." 39 Ivo, kaita hamwande kidogo kagwa chifudifudi kapula, "Tata yangu kama ihadahika chikombe chino cha madununzo chinileke, mbali sio kama vinilonda mbali vuulonda gweye." 40 Amala kawabwelela waja waluko wake wadatu kawavika wawasa, kamlongela Petulo, "Ivo kulonga mpotigwa kuwasameso na nie hata saa imwe? 41 Ivo, muwasemeso na kupula sekemgezigwe. Mweye molonda kusang’hana mbali ng’huli zenu zabule ludabwa." 42 Kaita mala ya kaidi kupula, "Tataangu kama haidahika chikombe chibite bila nie kuching’wa, basi duulonda ditendeke." 43 Kawabwelela kaidi kawavika wawasa, manake meso gao gakala na utulo ng’hani.

44 Ivo, kawaleka, kaita tena kupula mala ya kadatu kwambuli iija. 45 Amala kawabwelela waja waluko kawalongela, "Ivo mng’hali muwasa na kuhumula? Loleni! Saa ivika, Mwana Munhu kolavigwa kwa wanhu weli na malozo. 46 Lamkeni chiteni. Loleni kokwiza ija yolonda kunihinduka.