Mateus 8

Yesu komhonya mutumigwa wa mmilizi mkulu wa chi Loma

5 Zua dimwe Yesu viyakalile yokwingila muikae ya Kapelinaumu, mkulu imwe wa wamilizi kamuwinza na kumpula 6 kalonga, Mndewa, mtumigwa wangu kawasa ukae, mtamu wa kuholola na kolumwa ng’hani."

7 Yesu kamulongela, "Nokwiza kumuhonya."

8 Mbali iyo mwamilizi mkulu wa Loma kamulongela, "Mndewa, nie silondeka wingile muing’anda yangu. Mbali longa mbuli yoyose tu ya udaho na mtumigwa wangu kohona. 9 Kwavija hata nie nili haulongozi mwa wakulu wangu, nanie nina wamilizi iniwalongoza. Nihamlongela imwe ‘Genda!’ Nayo koita, na nihamulongela imwenga ‘Izo!’ Nayo kokwiza, na kwamtumigwa wangu, ‘Tenda vino!’ Nayo kotenda." 10 Yesu viyahulike mbuli hizo, kakanganyika kawalongela wanhu waja wakalile womwinza, "Nowalongela kweli, sinaona munhu yoyose muiisi ya Izilaeli yeli na nhogola kama ino. 11 Ivo, nowalongeleni kua wanhu wengi wokwiza kulawa kuusimbukilo wa zua na uswelo wa zua, nawo wokala muindia hamwe na Ibulahimu na Isaka na Yakobo muufaume wa kuulanga kwa Mulungu. 12 Mbali waja walondeke kua mu uo ufaume wa Mungu wokwasigwa kunze, mdiziza, uko wolila na kuluma meno." 13 Amala Yesu kamulongela iyo mkulu wa wamilizi wa chi Loma, "Genda ukae na viwe kumwako kama vuutogole." Na saa iija mtumigwa wake kahona.