Mateus 9

Yesu kowahonya vipofu waidi

27 Yesu kasegela baho, viyakalile yoita, vipofu waidi wamuwinza woguta nyangi wokema, "Mwana Daudi chionele bazi!" 28 Nayo Yesu viyengile mng’anda, wanhu wao waidi wamuwinza, nayo kawauza, "Ivo, motogola kua nodaha kuwahonya?" Nawo wamwidika,"Enaa Mndewa." 29 Baho Yesu kagamha meso gao, kalonga, "Na viwe ivo kama vumtogole."

30 Meso gao gaona, nayo Yesu kawalongela kwa kugangamiza na kulonga, "Seke mmulongele munhu yoyose mbuli ino." 31 Mbali wao wasegela, walongelela mbuli za Yesu muiisi ija yose.