ପିଡ଼ିପିକାଲୁଦାନ୍ ଏରୁ
1 ଇୟାୱେନ୍କା ଇସ୍ରାଏଲ ଲୋକୁ ସିନ୍ ବାଲିବାଟାଦାନ୍ ସଲୋସି ସଦାପ୍ରବୁଦି ମାଟା ଇସାବ୍ଦାନ୍ ତିୟାର୍ କିତି ବାଡ଼ି ସିଜି ରପିଦିମଦୁ ବାସା କିତାର୍; ମାତର ଆୟା ବାଡ଼ିଦୁ ଲୋକୁ ଉଣ୍ଡେଙ୍ଗ୍ ଏରୁ ସିଲୁ । 2 ଇୟା ଉଣ୍ତିଙ୍ଗ୍ ଲୋକୁ ମୋଶାଦି ୱାଲେ ଜାଟିଙ୍ଗ୍ ଆଜି ଇର୍ହାର୍, "ମାଙ୍ଗିଁ ଏରୁ ସିଦା, ମାପୁ ଉଣାପ୍ ।" ଆବେନୁ ମୋଶା ଇର୍ହାନ୍, "ମିର୍ ନା ୱାଲେ ଏନ୍ଦା ଜାଟିଙ୍ଗା ଆଜିନିଦେର୍ ? ଏନ୍ଦା ସଦାପ୍ରବୁଙ୍ଗ୍ ପରିକା କିଜିନିଦେର୍ ?"
3 ନାସ୍ତିୱାଲେ ଲୋକୁ ଆୟା ବାଡିଦୁ ଏରୁ ସିଲି ଉଣ୍ତିଙ୍ଗ୍ ଏର୍କି ଆଜି ମୋସା ବିରୁଦ୍ତାନ୍ ଲାଗାଜି ଇର୍ହାର୍, "ନିନ୍ ମାଙ୍ଗିଁ ମାରି ମା କଡ଼ରିଙ୍ଗ୍ ମାରି କଡିଗରିଏଙ୍ଗା ଏରେକିଦାନ୍ ସାପିସ୍ନି ଉଣ୍ତିଙ୍ଗ୍ ମିସରଦାନ୍ ଏନ୍ଦା ତାତି ।"
4 ଆବେନୁ ମୋଶା ସଦାପ୍ରବୁ ଲାକ୍ତୁ ପାର୍ତନା କିଜି ଇର୍ହାନ୍, "ନାନ୍ ଇୟା ଲୋକା ଉଣ୍ତିଙ୍ଗ୍ ଇନିକା କିନା ? ୱାର୍ ନାଙ୍ଗି କାଲ୍କାଣାନ୍ ଡାକ୍ତେଙ୍ଗ୍ ତିଆର୍ ଆତାମାନାର୍ ।"
5 ଆବେନୁ ସଦାପ୍ରବୁ ମୋସେଙ୍ଗ୍ ଇର୍ହାନ୍, "ନିନ୍ ଆମାତାଣାନ୍ ଗାଡାଦିଙ୍ଗ୍ ଡାକ୍ତି ମାର୍ରି, ଆୟା ବାଡିଗା କିୟୁଦୁ ଅସି ଏସୋ ପେରି ଲୋକାଙ୍ଗ୍ ସଙ୍ଗ୍ କିଜି ଇସ୍ରାଏଲ ଲୋକା ଆଗ୍ଡ଼ି ଆଗ୍ଡ଼ି ସାଙ୍ଗ୍ଆ । 6 ସୁଡ଼ୁଆ, ମାପ୍ ହୋରେବଦୁ ଆୟା ପେରି କାଲୁ ମୁସୁକୁ ମି ଆଗ୍ଡ଼ି ନିନାପ୍; ନିନ୍ ଆୟା ପିଡ଼ିପିକାଲୁଦିଙ୍ଗ୍ ଡାକ୍ତିଙ୍ଗା, ଆବେଣାନ୍ ଏରୁ ସନେ, ମାରି ଲୋକୁ ଆକା ଉଣାର୍," ଆବେଟ୍ ମୋଶା ଇସ୍ରାଏଲ ପେରି ଲୋକା ଆଗ୍ଡ଼ି ଆୟାୱାଜା କିତାନ୍ ।
7 ମାରି, ଆୟା ବାଡିଦୁ ଇସ୍ରାଏଲ ଲୋକୁ ଜାଟିଙ୍ଗ୍ ଆତି ଉଣ୍ତିଙ୍ଗ୍ ମାରି ସଦାପ୍ରବୁ ମା ଲୋଇ ମାନାନ୍ ନୋ ସିଲେ, ଇକା ଇଜି ସଦାପ୍ରବୁଙ୍ଗ୍ ପରିକା କିନି ଉଣ୍ତିଙ୍ଗ୍ ୱାନ୍ ଆୟା ବାଡ଼ିଦି ଦର୍ ମଃସା17:7 ମଃସା ଅର୍ତ ପରିକା ମାରି ମିରିବାଃ17:7 ମିରିବା ଜାଟି ଇଟ୍ତାର୍ ।
ଅମାଲେକିୟରି ମାଣାନ୍ ଜୁଦ୍
8 ଆୟା ୱେଡ଼ାଦୁ ଅମାଲେକ ୱାଜି ରପିଦିମଦି ଇସ୍ରାଏଲ ଲୋକା ୱାଲେ ଜୁଦ୍ କିତାର୍ । 9 ଆବେନୁ ମୋଶା ଜିହଶୁୟଙ୍ଗ୍ ଇର୍ହାନ୍, "ନିନ୍ ମା ଉଣ୍ତିଙ୍ଗ୍ ଲୋକାଙ୍ଗ୍ ଆସ୍କିଜି ଅମାଲେକ ୱାଲେ ଜୁଦ୍ କିଦେଙ୍ଗ୍ ସାଙ୍ଗ୍ଆ; ୱିଗେ ନାନ୍ ନିଜେଦି କିୟୁଦାନ୍ ମାପୁରୁଦି ବାଡିଗା ଅସି ଗରନୁ ମୁସୁକୁ ନିନା ।" 10 ଆବେନୁ ମୋଶାଦି ମାଟା ଇସାବ୍ଦାନ୍ ଜିହଶୁୟ ଅମାଲେକ ୱାଲେ ଜୁଦ୍ଧ କିତାନ୍, ମାରି ମୋଶା, ହାରୋଣ ମାରି ହୁର ଗରନ୍ ମୁସୁକୁ ଏକ୍ତାର୍ । 11 ମାରି, ମୋଶା ନିଜେଦି କିୟୁ ମୁସୁକୁ ପେର୍ତି ମାର୍ରି ବେଡ଼ାଦୁ ଇସ୍ରାଏଲ ଜିଣାତାତ୍ ମାରି ୱାନି କିୟୁ ଆଡ୍ଗି କିତି ମାର୍ହି ବେଡ଼ାଦୁ ଅମାଲେକ ଜିଣାତାନ୍ । 12 ମାତର ମୋଶାଦି କିୟୁ ୱାନ୍ଦିତାତ୍; ଇୟାଉଣ୍ଡିଙ୍ଗ୍ ୱାର୍ ଉନ୍ଡ୍ରି କାଲୁ ତାସି ଆକା ଆଡ୍ଗି ଇଟ୍ତାର୍, ମୋଶା ଆୟା ମୁସୁକୁ ବାସ୍ତାନ୍, ମାରି, ହାରୋଣ ମାରି ହୁର ଅରେନ୍ ଇୟାପାଡ଼ାକା ମାରି ଅରେନ୍ ଆୟା ପାଡ଼ାକା ୱାନି କିୟୁ ପେର୍ଜି ଆସ୍ତାର୍; ଆବେଣାନ୍ ୱେଡ଼ା ଆର୍ନି ସାନ୍ଦି ୱାନି କିୟୁ ଦୁଙ୍ଗୁଁଏଣା ମାର୍ହାତ୍ । 13 ଆଦେଙ୍ଗ୍ ଜିହଶୁୟ ଅମାଲେକ ମାରି ୱାନି ଲୋକାଙ୍ଗ୍ କାଣ୍ତାଦାନ୍ ଆରା କିତାନ୍ ।
14 ସଦାପ୍ରବୁ ମୋସେଙ୍ଗ୍ ଇର୍ହାନ୍, "ଇୟା ମାଟା ମୋନ୍ତୁ ଇଡ୍ଜି ରାସ୍ସି ଇଡ୍ଦୁ, ମାରି ଜିହଶୁୟ ଆଗ୍ଡ଼ି ଆକା ପଡ଼ାଦୁ; ମାପ୍ ବାଦଡ଼ ଆଡ୍ଗି ଅମାଲେକତି ଏତ୍ ମାର୍ଗାନାତ୍ ।" 15 ଆବେନୁ ମୋଶା ଉନ୍ଡ୍ରି ବେଦି ତିଆର୍ କିଜି ଆବେଣି ଦର୍ ଯିହୋବାଃ ନିଃଷି17:15 ନିଃଷି ପତକା ଇଟ୍ତାନ୍ । 16 ମାରି, ୱାନ୍ ସଦାପ୍ରବୁଦି ଆୟା ଜେଣ୍ତାଦୁ କିୟୁ ଇଡ୍ଜି ଇର୍ହାନ୍, "କାଡ଼ା କାଡ଼ା ସାନ୍ଦି ଅମାଲେକ ୱାଲେ ସଦାପ୍ରବୁଦି ଜୁଦ୍ ଆନାତ୍ ।"
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)