ବାସ୍ନା ଦୁପ୍ଣିଦି ବେଦି
1 ମାରି ମିର୍ ଦୁପ୍ଣି ଆଡ଼ିକ୍ନି ଉଣ୍ତିଙ୍ଗ୍ ଆକିସିଆ ମାରାନ୍ଦାନ୍ ଉନ୍ଡ୍ରି ବେଦି ତିଆର୍କିନି । 6 ମାରି, ମାପ୍ ଆମା ବାଡିଦୁ ମି ୱାଲେ ବୁଡ଼ାନାପ୍, ଆୟା ବାଡିଦୁ, ଇରିଙ୍ଗ୍, ନିୟମ୍ ପେଡ଼ାଦି ମୁସୁକୁରି ପାପ୍ତିଙ୍ଗ୍ ପିଡ଼ିକ୍ନି ଡାବ୍ଣା ଆଗ୍ଡ଼ି ନିୟମ୍ ପେଡ଼ାଦି ଆଗ୍ଡ଼ିରି ୱେରେଏ କିନି ୱାତିଦି ଆଗ୍ଡ଼ି ଆକା ଇଡ୍ନିଦେର୍ । 7 ହାରୋଣ ଆୟା ମୁସୁକୁ ବାସ୍ନାଦି ଦୁପ୍ଣି ଆଡ଼ାକ୍ନାନ୍, ୱାନ୍ ୱିଜୁ ଦିନ୍ ସାଲ୍ଦି ବେଡ଼ାଦୁ ଦିୱା ସପା କିନି ବେଡ଼ାଦୁ ୱାନ୍ ଦୁପ୍ଣି ଆଡ଼ାକିସ୍ନାନ୍ । 8 ମାରି, ମିଲିମିଲିକା ବେଡ଼ାଦୁ ହାରୋଣ ଦିୱା କାସିସ୍ନି ବେଡ଼ାଦୁ ଦୁପ୍ଣି ଆଡ଼ାକ୍ନାନ୍, ଆବେଟ୍କୁ ମି ଜୁଗୁ ଜୁଗୁ ସାନ୍ଦି ପ୍ରବୁଦି ଆଗ୍ଡ଼ି ୱିଜୁଦିନ୍ ଦୁପ୍ଣି ଆଡ଼୍ନିକା ଆନାତ୍ । 10 ମାରି, ହାରୋଣ ବାର୍ସେକ୍ ଲୋଇ ଅର୍ସୁ ଆବେଣି କମୁ ମୁସ୍କୁ ପାପ୍ କେମା କିନିକା ମାନାନିଦେର୍; ୱାନ୍ ପାପ୍ କେମା ସିନି ପାପ୍ତି ନେତେର୍ ଦାନ୍ ମି ବୁବାରି ରିତିଦାନ୍ ବାର୍ସେକ୍ତିଙ୍ଗ୍ ଅର୍ସୁ ଆୟା ପାପ୍ କେମା କିନିକା କିନାନ୍ । ଇୟା ବେଦି ପ୍ରବୁଦି ଉଦେସ୍ତାନ୍ ପବିତ୍ର ଆନାତ୍ ।