ପିତଲ୍ଦି ଏରୁ କୁଣ୍ତି
17 ଇୟାୱେନ୍କା ପ୍ରବୁ ମୋସେଙ୍ଗ୍ ଇର୍ହାନ୍, 18 "ନିନ୍ ନର୍ବାନି ଉଣ୍ତିଙ୍ଗ୍ ପିତଲ୍ଦି କୁଣ୍ତି ମାରି ଆବେଣି ପିତଲ୍ଦି ଗୁଦୁରି ତିଆର୍ କିନି; ମାରି ମିସାଜିସାନି ଗୁଡ଼ା ମାରି ବେଦି ନାଣିମି ଇଡ୍ଜି ଆବେନୁ ଏରୁ ଇଡ୍ନି । 19 ମାରି ହାରୋଣ ମାରି ୱାନି କୋଡ଼ର୍ ଆବେନୁ ନିଜେ ନିଜେଦି କିକୁ ମାରି ପାଦ୍କୁ ନର୍ନାର୍ । 20 ୱାର୍ ମିସାଜିସାନି ଗୁଡ଼ାଦୁ ଡ଼ୁଗୁନି ୱାଲେ ଏଣ୍ଡେସ୍କି ସାଏର୍, ଇୟାଉଣ୍ଡିଙ୍ଗ୍ ଏରୁଦାନ୍ ନିଜେଦିଙ୍ଗ୍ ନର୍ନାର୍; ପ୍ରବୁଦି ସେବା ଉଣ୍ତିଙ୍ଗ୍, ଅର୍ତାତ୍, ସିସୁଦି ଦାନ୍ ଦୁପ୍ଣି ଆଡ଼ିକ୍ନି ଉଣ୍ତିଙ୍ଗ୍ ବେଦି ଲାକ୍ତୁ ୱାନିୱାଲେ ଏଣ୍ଡେସ୍କି ସାଏର୍, 21 ଇୟାଉଣ୍ଡିଙ୍ଗ୍ ୱାର୍ ନିଜେ ନିଜେଦି କିକୁ ମାରି ପାଦ୍କୁ ନର୍ନାର୍; ଇକା ୱାର୍ ମାରି ୱାରି କୁଟୁମ୍ଦିକାର୍ କାଡ଼ା କାଡ଼ା ମାନାନି ୱିଜୁଦିନ୍ତି ବିଦି ଆନାତ୍ ।"