Mateus 3

O Jovan Krstitel spreminela o drumo

1 Ko adala dive alo o Jovan Krstitel, so propovedinela sine ki Judejsko pustina 2 vakerindor: "Pokajnen tumen! Adaleske so paše tano o nebesno carstvo." 3 Ov tano akava kastar o prorok Isaija vakergja:

"Ov tano o glaso so vikinela ki pustina:

‘Spreminen o drumo e Gospodareskoro.

Ramnonen o drumija leskere!’"✝3:3 Isa 40:3; Mal 3:1; Lk 1:76; Jn 1:23.

4 E Jovaneskere šeja sine taro bala e kamilakere, a ki kičma sine le kožno pojas, a leskoro hajbe sine skakulcija hem divo avgjin. 5 Togaš avena sine but manuša ki leste taro Erusalim hem tari celo Judeja hem taro sa o thana taro Jordan. 6 Priznajnena sine pumare grevija, hem ov krstinela len sine ki reka Jordan.