Pular para o conteúdo
Publicidade

1 Samwẹl 5

Masokọ Ẹkkọhbhọ ch’Echekẹ z’ibhon s’Philistiya

1 K’ogbese kw’anọng p’Philistiya nkk’Ẹkkọhbhọ ch’Echekẹ ch’Ibinọkpaabyi abọka, matinẹ ny’Ẹbẹneza atima achina z’Ashdọd. 2 Minna kw’matinẹ Ẹkkọhbhọ ndo z’ọkapa kw’masokọ ọka f’okpen Dagọn. 3 K’owusobha ch’anọng p’Ashdọd naphyabh ny’ekpebha, maze bẹ́, Dagọn kk’ọtta okwubha ititika ny’izek, ny’ititika s’Ẹkkọhbhọ ch’Echekẹ! Matinẹ Dagọn abir asok z’ibyi sẹ. 4 Okenaka, k’ose kw’ewu esobh nya, Dagọn kk’ọtta okwubha ititika ny’izek ny’ititika s’Ẹkkọhbhọ ch’Echekẹ! Eso chẹ ttara mbọhk kk’ekpira eyima ny’ẹsọhmma; ifor sẹ jẹ-jẹ jọ nirikẹ. 5 Nya wọ osi, tọma za maa, pyirẹ ma, afọhn-nja p’Dagọn, ọttara anọng p’mad-adim z’ọkapa kw’Dagọn z’Ashdọd, nny’ẹsọhmma kad-abarẹ.

6 Wa Ọvaar Ibinọkpaabyi ọnang anọng p’Ashdọd ọttara ayok-nkọma irem s’ibar-ọbar mawuriji; osi bẹ itama siden, obir ọtọhbh bẹ ebirakpo. 7 K’ogbe kw’anọng p’Ashdọd maze idik s’id-iyin nya, maben bẹ́, "Ẹkkọhbhọ ch’ọka f’anọng p’Israẹl kẹbaan bẹ́, eninga ma ẹmaana mina, okurọ bẹ́, kk’mina ọttara Dagọn kw’ode ọka famina irem siden ẹnanga." 8 Minna kw’mayerẹ asogbọhkọnọng p’Philistiya mabọbh bẹ bẹ́, "Mm’osi yen ọmaana Ẹkkọhbhọ ch’Echekẹ ch’ọka f’Israẹl?"

Mapọhna bẹ́, "Màtinẹ Ẹkkọhbhọ ch’Echekẹ ch’ọka f’Israẹl tima zeng z’obhon kw’." Minna kw’matinẹ Ẹkkọhbhọ ch’Echekẹ ch’Ọvaar Ibinọkpaabyi kw’Israẹl atima achina z’.

9 Okenaka, ch’nkk’Ẹkkọhbhọ ndo atina, wa Ọvaar Ibinọkpaabyi ọtọhmọ itama ọnang anọng p’obhon nwo, oke bẹ k’ojora fiden. Osi anọng p’ebhondim ndo itama mawuriji, tọma ny’ivava pyirẹ z’ataminọng, ọjẹ bẹ ebubuka ch’ebirakpo. 10 Minna kw’matọk Ẹkkọhbhọ ndo ch’Ibinọkpaabyi mad-arik z’Ẹkrọn.

K’ose kw’mad-atima Ẹkkọhbhọ ndo adim ny’Ẹkrọn, anọng p’Ẹkrọn abina amọng k’ẹrọng, mabhom bẹ́, "Nkk’Ẹkkọhbhọ ch’ọka f’Israẹl atọka achena mina bẹ́, ọfhọ mina ọttara anọng pamina."

11 Minna kw’mayerẹ asonọng p’Philistiya maphyir mattonga, maben bẹ́, "Màtima Ẹkkọhbhọ ch’ọka f’Israẹl bina ma, tte ẹkpa nnam z’ibyi sẹ; ini minna ode, m’ẹfhọ mina ọttara anọng pamina." Ny’ogbe nwo, wa ojora f’obo kk’ebhondim ndo ọbọka mawuriji, Ibinọkpaabyi obir ọnang bẹ irem siden. 12 Ayok mbo p’nna ape, wa matọk irem s’ebirakpo. Ẹmọng-bhoma ch’ebhondim ndo, epyirẹ z’ẹrọng.

Lugar Bíblico
Cidade / Povoado
Gate
Hoje: Tell es-Safi (Gate), Israel
גַּתgat
Gate foi uma cidade dos filisteus, para onde Davi fugiu, e Saul parou de persegui-lo. Os filisteus também enviaram para lá a arca do Deus de Israel (1 Samuel 27:4).
31,70° N, 34,85° L
Citado em 38 versículos
Ver página completa
Lugar Bíblico
Cidade / Povoado
Gate
Hoje: Tell es-Safi (Gate), Israel
גַּתgat
Gate foi uma cidade dos filisteus, para onde Davi fugiu, e Saul parou de persegui-lo. Os filisteus também enviaram para lá a arca do Deus de Israel (1 Samuel 27:4).
31,70° N, 34,85° L
Citado em 38 versículos
Ver página completa
Todos os capítulos de 1 Samwẹl 31
  1. 1
  2. 2
  3. 3
  4. 4
  5. 5
  6. 6
  7. 7
  8. 8
  9. 9
  10. 10
  11. 11
  12. 12
  13. 13
  14. 14
  15. 15
  16. 16
  17. 17
  18. 18
  19. 19
  20. 20
  21. 21
  22. 22
  23. 23
  24. 24
  25. 25
  26. 26
  27. 27
  28. 28
  29. 29
  30. 30
  31. 31

Estes versículos te tocaram? Ore agora!

+581 estão orando agora.

Junte-se à corrente de oração.