Gênesis 17

3 Masẹ Abram ọbhaang idik nnọ, ọrạkha uttima ititikha k’isek. Ma wọ, Ọvaar Ubinọkpaabyi oben-ẹ bẹ́, 4 "Maa wọ ode udik kw’nchekhi nnạng-ọ, bẹ́, m’ade otte kw’nkhạma saabhada. 5 M’mbạra nnạng-ọ eche ẹbhachẹ, dạkhẹ Abram mákpena, m’akpena Abraham, eche ch’iyini, otte kw’nkhạma saabhada. 6 M’nsi-ọ afhon iva k’ọsaabh, nkhạma s’isaabh-ọsaabh m’ibina ma akhọ, ọttạra avaar pididen. 7 Amma m’nsi echekha chaam ọma abẹ ẹbạra ede echekha ch’iva p’iva pọ, bẹ́ amma m’nde Ubinọkpaabyi kwọ, ọttạra Ubinọkpaabyi kw’iva p’iva pọ tạrr ipimmanitor. 8 Amma m’ntạkha isek nna s’Kenaan s’mantọmma arukhu masẹ ukhikhennạng nnạng ọma, ọttạra efona chọ, abạnga akhaama sẹ tạrr ipimmanitor. Amma m’nde Ubinọkpaabyi kwabẹ."

9 Ma wọ, Ubinọkpaabyi obeni Abraham bẹ́, "Node ọma ọttạra iva p’iva pọ, oyonga abạnga m’achok echekha nja chaam tạrr ipimmanitor. 10 Maa wọ ode echekha ch’amma ọma abẹ, ọttạra iva p’iva pọ. Echekha ch’abạnga m’achok ede bẹ́, ujunung kwidede kw’uning bạnga abẹ m’usi ọkpọkkrọkkọ. 11 Ẹnạm-kpara njọ m’ede ẹkhọhkha ch’echekha ch’amma ọttạra abạngama abẹ.