1Vankosi 1

Solomoni ivikwa avya nkosi

11 Penapo Natani akahamba kwa Batisheba nyinawaki Solomoni, akamukota, "Wu, upiliki lepi kuvya Adoniya, mwana wa mau mweikemiwa Hagiti, ajikili mwene kuvya nkosi na nkosi witu Daudi amanyili lepi? 12 Hinu ngati ugana kuusangula wumi waku na wa mwana waku Solomoni ndi nikujovela ukita naha, 13 uhamba kwa nkosi Daudi ukamukotayi, ‘Wu, wa bambu wangu nkosi, wanilapakisi lepi nene namvanda waku wajovii, "Mwana waku Solomoni yati italalila pahali pangu na yati itama panani ya chigoda changu cha utalalila?" Ndava kyani hinu Adoniya ndi nkosi?’