2 ଆରେ, ଅବ୍ରାହାମ୍ ଜାର୍ ଡକ୍ରି ସାରା ବିସ୍ରେ ଇଚାନ୍, "ହେଦେଲ୍ ନା ତଣ୍ଦେଲ୍; ଇଦାଂକାଜିଂ ଗରାରନି ରାଜା ଅବିମେଲକ୍ ଲକୁ ପକ୍ଚି ସାରାଙ୍ଗ୍ ଅତାର୍ ।"
9 ହେବେ ଅବିମେଲକ୍ ଅବ୍ରାହାମ୍ତି କୁକ୍ଚି ଇଚାନ୍, "ଏନ୍ ମା କାଜିଂ ଇଦାଂ ଇନା ବେବାର୍ କିତାୟ୍ ? ଏନ୍ ଜେ ମାଂ ଆରି ମା ରାଜିତିଂ ବେସି ପାପ୍ କିତାୟ୍; ଆପ୍ ମି ବିରୁଦ୍ତ ଏଲେଂ କି ଦସ୍ କିତାପ୍ନା ? ଏନ୍ ମା କାଜିଂ କିୱି କାମାୟ୍ କିତାୟ୍ ।" 10 ଅବିମେଲକ୍ ଅବ୍ରାହାମ୍ତିଂ ଆରେରଗ ଇଚାନ୍, "ଏନ୍ ଇନାକା ହୁଡ଼୍ଜି ଇ ଲାକେ କାମାୟ୍ କିତାୟ୍ ?"
11 ହେଏଚେକାଡ଼୍ଦ ଅବ୍ରାହାମ୍ ଇଚାନ୍, "ଇ ଦେସ୍ତ ଇସ୍ୱର୍ତି କାଜିଂ ମୁଡ଼େ ପାଣ୍ଡ୍ରୁ ଆକାୟ୍; ଇଦାଂ କାଜିଂ ଆନ୍ ବାବିକିତାଂ, ଇୱାର୍ କି ନା ଡକ୍ରି ଲାବ୍ଡ଼ିତ ନାଙ୍ଗେଙ୍ଗ୍ ଅସ୍ତାନାର୍ । 12 ହେଦେଲ୍ ନା ତଣ୍ଦେଲ୍, ଇଦାଂ ହାତ୍ପା, ଇନେକିଦେଂକି ହେଦେଲ୍ ନା ଆବା ଗାଡ଼୍ହି, ଆୟାଗାଡ଼୍ହି ଆକାୟ୍, ଆରେ, ନା ଡକ୍ରି ଆତାତ୍ । 13 ଏଚେକାଡ଼୍ଦ ଇସ୍ୱର୍ ନାଂ ଆକର୍ ଇଲ୍ତାଂ ବୁଲାୟ୍କିତ୍ତାନ୍, ହେଏଚେକାଡ଼୍ଦ ଆନ୍ ହେଦେଲିଂ ଇଚାଙ୍ଗ୍, ଏନ୍ ନା କାଜିଂ ଇ ଉପ୍କାର୍ କିଦ୍ନାୟ୍, ଆସେଙ୍ଗ୍ ଇମ୍ଣି ଇମ୍ଣି ବାହାତ ହାନାପ୍, ହେ ହେ ବାହାତ ଏନ୍ ନାଂ ଟଣ୍ଡେନ୍ ଇଞ୍ଜି ଜାଣା ହିଦ୍ନାୟ୍ ।"