Matthew 2

3 Dede hegwangpei Herod sam aide siu luge, pa pelung keherei sütdi, nah pecu ngngwa Jerusalem ga kebam pelane cinzwadi. 4 Pecai Herod cingku kedimedung nah laisiukecime pelane de qu hekwalu, delwe pa penui dage keteu, "Khrista de dai gage mna zielie lano?" 5 Penui pe dage rangdi, "Judea deu Bethlehem gage, kedanemene caihakecibe ainzwa rau nzeulu,

6 ‘Dede nang Bethlehem, Judahme deu gade,

Judah ga kedimedung kakgade ceutunabe meda,

kedanemene nda de hegwang ge gwang zie

a mina Israel mapie kerabe.’"✝2:6 Mic. 5:2

7 Pecai Herod ngkim eh makecimedung de qulu, daidau ting siakdau hegi petti bi kecu penui dade keteu kerane. 8 Pecai pa penui de Bethlehem gage langgai eh ranggai, "Mie delwe henanabe de peei sünne lu. Nnui pecu ngaulu de, acu ranglia lo, ciude Ih de gwang eh pecu recalu kerane."