Atos 16

Apaulo na Asila bhatendakubhekwa mu nyuumba ja kutabhila bhandu ku Filipi.

16 Lichobha limo, patutendita kujaula mahali palapala pa kwajopela Annoongo, mwikege jumo mmanda jwaakachukilwa na mahoka, jwaakibha na uwecho gwa kulondola akakongana na twenga. Mwikege hojwe akibha atendakwaapekeanga akaakola mbiha bhabhangange na mbiha hijingi ligongo lya kulondola kwakwe. 17 Bahi, jonojwe mwikege akaakagula Apaulo na twenga, abhikupota nyenye abhikulobhola, "Habha bhandu nga akaatumichi bha Annoongo akolo. Bhakaalobholelelanga namuna mukombolanga kuokolewa." 18 Jono mwali atendita henela kwa machobha gajingi hata lichobha limo Apaulo akatumbala, akatendebhukila na kwalobholela jonojwe lihoka, "Ndendakunkulumikia kwa lihina lya Ayesu Kilisito, mummoke hojojo!" Popopo jono lihoka likaabhoka.