Atos 2

41 Bhandu bhajingi bhakakondanga malobhe gabhe bhakabatichwanga. Bhandu handa elupu tatu bhakajonjokeka mu chenichela chibhoga chichahobhalela Akilisito lichobha helyo. 42 Habha bhoha bhakaendeleanga kuchijigana kubhoka kwa akaandundame, na bhakalyanganga pamo handa akaanung’una, na kwajopa Annoongo.

Umomi gwa kila lichobha kwa bhenibhala bhandu bhabhahobhalela Akilisito

43 Hilolelo na yakangachika hijingi gakatendeka kwa ndela ja akaandundame hata kila mundu akibha na bhoga. 44 Bhandu bhoa bhabhahobhalela Akilisito bhakaendeleanga kubhee chilebhe chimo na hilebhe yabhenji bhakametunilananga.

45 Bhakibhanga bhatendanga kuhuchanga hilebhe yabhenji na kuchimetulilanga mbiya handa hela kila mundu chaapalite. 46 Bhakaendeleanga kongonanga pamo kila lichobha pa Nyuumba ja Annoongo. Nambo pabhalilaje, bhakonganilanga pa nnyuumba yabhenji na kulyehe pamo kwa kuhangalalanga na ntima chindegele. 47 Bhakaalumbalilanga Annoongo na bhandu bhoa bhakabhajilwa na bhenaangota. Kila lichobha Hangwana akaajonjokeanga bhandu bhabhatenditandanga kuokolewanga.