Hikubho ya Akaandundame 8

18 Penapo Asimoni akahimanya kubhee kwa kwaabhekela mabhoko ga akandundame na bhabhakaahobhalela Ayesu bhakaapekeanga Mboomo jabhe henela akabhoa mbiha na kupala kwaapekea Apetulo na Ayohana kongo abhikulobhola, 19 "Mmbekeange na nenga hela hela uwecho hogwe kubhee jwaajola jwambakummekela mabhoko apokele Mboomo ja Annoongo."

20 Nambo Apetulo akaajangula, "Mmoke pambani na mbiha hinu kwa henela ng’anikia yakubhe mpakombola kuhemela uwecho gwa Annoongo kwa mbiha! 21 Mwanga choachela mu lihengo helye kwa kubhee ntima gwinu ngakoondekwa mu kwaajopa Annoongo. 22 Henela, nkotime ubohu gwinu na mwajoope Hangwana annekelele kuganikia kwinu kubohu. 23 Nenga ndendakuhuchunika muno ndendakummona ntwelile hibhini hijingi na ntabhwitwe na mabohu!"

24 Asimoni akajaangula, "Choonde, nnyoopelange kwa Hangwana likotokumbata lyoha lyela pakati ja genago gannongilinge."