1 Kahabag-habag kayong humihingi

ng tulong sa Ehipto.

Umaasa kayo

sa mabibilis nilang kabayo,

sa marami nilang karwahe,

at malalakas na sundalong nangangabayo.

Ngunit hindi kayo nagtitiwala

sa Panginoon,

ang Banal na Diyos ng Israel,

at hindi kayo humihingi

ng tulong sa kanya.

2 Sa karunungan ng Diyos,

magpapadala siya ng salot,

at talagang gagawin niya

ang kanyang sinabi.

Paparusahan niya

ang pamilya ng masasama

at ang mga tumutulong sa kanila.