Lucas 7

31 ઈસુએ કહ્યું, "તો શું, ત્યારે, આ પેઢીનાં માણસોને હું કોની સાથે સરખાવું? તેઓ કોના જેવા છે? 32 તેઓ બાળકો જેવાં છે કે જેઓ બજારમાં બેસીને એકબીજાને બોલાવીને કહે છે કે:

" ‘અમે તમારા માટે વાજાં વગાડયાંં,

અને તમે નાચ્યાં નહિ,

અમે શોકગીતો ગાયાં,

પણ તમે રડયાં નહિ.’

33 કેમકે યોહાન બાપ્તિસ્ત રોટલી ખાતો કે દ્રાક્ષારસ પીતો ન હતો આવ્યો, અને તમે કહો છો કે, ‘તેને ભૂત વળગેલું છે.’ 34 માણસનો દીકરો તો ખાતો પીતો આવ્યો, ‘અને તમે કહો છો કે તે તો ખાઉધરો અને દારૂ પીનારો, જકાતદારો અને પાપીઓનો મિત્ર!’ 35 પણ જ્ઞાન પોતાના બાળકોથી સાચું સાબિત થાય છે."

પાપી સ્ત્રીથી ઇસુનો અભિષેક

36 જયારે એક ફરોશીએ ઈસુને પોતાના ઘરે ભોજન માટે આમંત્રણ આપ્યું ત્યારે તેઓ ફરોશીના ઘરે જઈને ટેબલે બેઠા. 37 એક સ્ત્રી કે જે એ નગરમાં રહેતી હતી તે પાપી જીવન જીવતી હતી, ઈસુ ફરોશીનાં ઘરમાં ખાતા હતા, ત્યારે તે અતિમૂલ્યવાન અત્તરની શીશી લઈને ત્યાં આવી.