Kutumbula 2

18 Bhambo Chapanga palongila, "Kuala jhe munalome kubhehe jhika ndo, yene mbakumpangana nnyake jwa kuntangatila jwalanda nako." 19 Bhahe, Bhambo Chapanga, akapangine inyama yoha ya kumanyahe na kila kijhune cha kunane, peniya ngampelikila mundo jwenio alole abhapeke maina ghake, na maina ghabhakemita jwenio ghajhakubhehe ndi mahina ghabhe. 20 Yene, mundo jwenio ngatinita maina gha inyama yoha ikolekwa na inyama yoha yukumanyahe na ijhune ikunane nambo akibha jhe jhukuntangatila jwamaha.

21 Bhambo Chapanga nganteila aghochele lughono lyoo mundo jwenio, na pakibha mulugholo, Chapanga ngatoila lubhao lumo na lubhao lwenio ngayekilila kwa nyama. 22 Peniya, Bhambo Chapanga ngampangina mwikeghe kubhoka mulubhao lwenio lwatoila kwa munalome jhola, jwenio Chapanga ngampelika mwikeghe kwa munalome jwenio. 23 Munalome jwenio ngalongila,

"Ka! Ngohe jhonjo kiupa kubhoke miupa yango,

na nyama kubhoke munyama yango,

jwenio nakemwa, ‘Mwikeghe,’ nhwalo ahumii kwa munalome."

24 Ndi mana munalome nabhaleka majhe na tate mundo na kulombana na nhwanamundo, na bhabhele bhena bhabhehe yegha jhimo.