Kutumbula 45

Uchupo itenda kukilaya kwa akalongo bhake

1 Peniya, Uchupo ngalepelela kukiibhila nnonge jha bhoha bhibhakibha bhatamingine peniya ngalela kanonoya, na ngaamulicha akalaghalikihe bhapite panja. Uchupo ngaighila kanjika pakilangiya kwaakalongo mundo. 2 Uchupo ngalela kanonoya ade Akamichile ngabhannyoa pamonga na bhando bha Falao na bhene hele ngabhannyoa. 3 Uchupo ngabhalobholela akalongo mundo, "Nenga ndi Uchupo, Bho, atate bhango bhabhii ghome?" Nambo akalongo mundo pibhajhoina bhakajhogwipe hake, ngabhahoti jhe kunnyanguu.