Wafalumi 2

Lagalira lya Dawudi kwa Selemani

1 Dawudi pakaweriti pakwegera kuhowa, kamshemiti mwana gwakuwi Selemani, kampanana lagalira pakalonga, 2 "Mwana gwangu, ntambu yayiwera kwa viwumbi vyoseri kuhowa, mashaka gangu gapera. Guweri shikambaku na mgangamala. 3 Gutenda malagalira ga Mtuwa Mlungu, Mlungu gwaku. Gufati njira zakuyi na gukoli lagiru zakuyi na amuli zakuyi na toza zakuyi na matakulu gakuyi, ntambu yayilembitwi mulilagaliru lya Musa su gupati mpatilu mukila shagutenda na koseri kwagugenda, 4 su Mtuwa Mlungu kashigangamaziyi shisoweru shakuyi shakatakuliti kuusu neni pakalonga, payiwera wiwuka waneni hawajimiri amuli zyakuwi na kumtendara kwa kwaminika woseri kwa moyu goseri, shaka shoseri hapeni gukosi muntu yakawera mfalumi pahala pa tati gwakuyi.