1 Lishaka lya kwanja lya mwezi gwa saba, hamjojoniki kunguwira neni. Namutenda mahengu, toziya ayi ndo lishaka lya kugomba mbalapi. 2 Hamlaviyi tambiku ya kulunguziwa nakamu, su hakuweri na ununkira uherepa wa kumuherepeziya Mtuwa Mlungu. Hawalaviyi wang'ombi washipalu wawili yawakama ndiri nentu na wakondolu washipalu wawili na wana wa kondolu washipalu saba wa shinja shimu. Woseri waweri wahera ndiri shilema. 3 Hamlaviyi viraa tambika yakuyi ya viboga vya ubumu uherepa wawuhanganyituwi na lipaki. Kilu ntatu kwa kila pongu, kilu mbili kwa kila kondolu. 4 Na kilu yimu kwa kila mwana kondolu. 5 Kayi hamlavii pongu yumu kwa tambika ya kuwusiya vidoda su kuwatendera wantu wambuyiri. 6 Hamlaviyi vintu avi pota kuleka tambera ya tambika ya kulunguziwa ya mwezi gwa syayi na tambika yakuyi ya viboga na tambika yakuyi ya kila lishaka lya kulunguziwa pamuhera na tambika ya viboga na tambika yakuyi ya kulanda ntambu yaifiruwa kwa nunkira iherepa, ndo tambika kwa Mtuwa Mlungu yailunguziwitwi kwa motu.

7 Lishaka lya lilongu lya mweni gwa saba hamtendi kuliwona kunanagala. Mulishaka ali mwoyi kuliya shintu, viraa namtenda mahengu. 8 Hamumlaviliri Mtuwa Mlungu tambiku ya kulunguziwa nakamu kwa motu, su hayiweri na ununkira wa kumuherepeziya Mtuwa Mlungu. Tambiku ayi hayiweri ya ng'ombi gwashilau yumu yakakamala ndiri nentu na kondolu gwashipalu yumu na wana wa kondolu saba wa shinja shimu. Woseri waweri wahera shilema. 9 Pamuhera na vintu avi, mwenga hamulaviyi tambiku ya ubumu uherepa yauhanganyikituwiti lipaki kilu ntatu pamuhera na ng'ombi, kilu mbili pamuhera na kondolu gwashipalu ulii. 10 Kilu yimu kwa kila mwana gwa kondolu. 11 Hamalaviyi viraa mbuzi pongu yumu kuwera tambiku ya kuwusiya vidoda pota kuleka tambiku ya kukolaniziya, pamuhera na tambiku zilii zyazilaviwa kuwera tambiku za kulunguziwa nakamu na tambiku yakuyi ya viboga na tambiku yakuyi ya virandu.

12 Lishaka lya lilongu na mhanu ya mwezi gwa saba, hamliwoni kuliwona kunanagala. Hapeni mtendi lihengu lishaka ali. Hamtendi sikukuwi kwajili ya Mtuwa Mlungu kwa mashaka saba. 13 Hamalavii tambika ya kulunguziya kwa motu, yaiwera nunkira yakumfiriziya Mtuwa Mlungu. Ponga wana wangali kukamala lilongu na watatu, kondolu washipalu wawili, wanakondolu lilongu na msheshi awa shinja shimu, woseri waweri pota shilema. 14 Tambiku yayifira kugenda pamuhera hayiweri ubumu uherepa yawuhanganyituwi na lipaki. Kilu ntatu kwa kila pongu kilu mbili kwa kila kondolu. 15 Na kilu yimu kwa kila mwana kondolu. 16 Hamlavii viraa pongu yumu kwa shinja sha kuwusiya vidoda, tembera ya tambika ilii ya ntambiku ilii ntambu iraa ya kulunguziwa, pamuhera na tambika yakuyi ya viboga na tambika yakuyi ya virandu.

17 Lishaka lya pili hamlavii. Pongu yawakamala ndiri lilongu na wawili, kondolu shapalu wawili, wanakondolu shipalu lilongu na msheshi, wa shinja yawahera shilema. 18 Mlaviyi viraa tambiku ya viboga na tambiku ya virandu pamuhera wang'ombi walii, kondolu na wanakondolu, kulawirana na walanga yawu ntambu yailagaliritwi. 19 Hamlavii viraa pongu yumu kuwera tambika ya kuwusiya vidoda, tembera ya tambika ya kulunguziwa na gambira tambiku zimonga pamuhera na tambiku yakuyi ya viboga na tambiku yakuyi ya virandu.

20 Lishaka lya tatu hamlavii. Pongu lilongu na yumu, kondolu wawili, wanakondolu lilongu na msheshi wa shaka shimu, wahera dosali. 21 Hamuwalaviliri pamuhera na tambika ya viboga na tambika ya kulanda ntambu yaifirutuwi kulinganira na walanga yawu ntambu yailagaliritwi. 22 Viraa hamalaviyi pongu yumu kwa tambika ya kuwusiya vidoda, tembera na ilii tambika ya kila lishaka ya kulunguziwa pamuhera na tambika yakuyi ya virandu.

23 Lishaka lya msheshi hamalaviyi wang'ombi lilongu na wakondolu washipalu wawili na wanakondolu lilongu na msheshi, woseri waweri wahera dosari. 24 Hamlavii viraa tambika ya viboga na tambikua ya kulanda na awa pongu na kondolu na wanakondolu kulinganira na walanga yawu, ntambu yaifiruwa. 25 Mlaviyi viraa pongu yumu kwa tambika ya kuwisiya vidoda tembera ya tambika ya kila lishaka ya kulunguziwa nakamu na tambiku yakuyi ya viboga na tambiku yakuyi ya virandu.

26 Lishaka lya muhanu, hamlaviyi wang'ombi tisa na kondolu wawili, wanakondolu washipalu lilongu na msheshi wa shinja shimu yawahera dosari. 27 Viraa hamlaviyi tambiku ya viboga na tambiku ya kulanda pamuhera na wang'ombi na kondolu ulii na wanakondolu kulinganira na walanga yawu ntambu yaifiruwa. 28 Hamlaviyi viraa pongu yumu kwa tambiku ya kuwusiya vidoda, tembera ya tambiku ya kila lishaka ya kulunguziwa nakamu, pamuhera na tambiku yakuyi ya viboga na tambiku yakuyi ya virandu.

29 Lishaka lya sita hamlaviyi ng'ombi wanani, kondolu shipalu wawili, wanakondolu shipalu lilongu na msheshi wa shinja shimu wahera shilema. 30 Hamlaviyi viraa tambika ya viboga na tambika za vyakulanda pamuhera na ng'ombi, kondolu shipalu kulinganira na walanga yawu, ntambu yaifiruwa. 31 Hamlavii viraa pongu yumu kuwera tambika ya kuwusiya vidoda, pamuhera na tambika yakuyi ya viboga na tambiku za virandu.

32 Lishaka lya saba hamlaviyi ng'ombi saba, kondolu shipalu wawili, wanakondolu shipalu lilongu na msheshi wa shinja shimu wahera dosali. 33 Hamlaviyi viraa tambika ya viboga na tambika ya vyakulanda pamuhela na ng'ombi, kondolu shipalu na wanakondolu, kulinganira na walanga yawu ntambi yaifiruwa. 34 Hamlaviyi viraa pongu yumu kuwera tambika ya kuwusiya vidoda, tembera ya tambiku ya kila lishaka ya kulungiziwa nakamu, pamuhera na tambiku yakuyi ya viboga na tambiku yakuyi ya virandu.

35 Mulishaka lya nani mwenga hamunguwira neni. Namtenda lihengu lishaka ali. 36 Hamlavii tambika ya kulunguziwa yaiwera na kununkira iherepa kwa kumherepeziya Mtuwa Mlungu. Ng'ombi yumu, kondolu shipalu yumu, na wanakondolu shipalu saba wa shinja shimu wahera shilema. 37 Hamlaviyi viraa tambika ya viboga na tambika ya virandu pamuhera na ng'ombi ayu, kondolu shipalu na mwanakondolu kulinganira na walanga yawu ntambu yailagaliritwi. 38 Viraa hamlaviyi pongu yumu kwa tambika ya kuwusiya vidoda, tembera ya tambiku ya kila lishaka ya kulunguziwa nakamu na tambiku yakuyi ya viboga na tambiku ya virandu.

39 Aga ndo malagizu ga tambiku za kila msambu ntambu yailagalirutuwi. Pota kuliwaluwa tambiku za nazili na tambiku ya kulunguziwa nakamu, na tambiku za viboga na tambiku virandu na tambiku za ponga na tambiku ya kufira gamweni zyamgenda kumlavilira Mtuwa Mlungu. Mushipindi sha misambu yenu ntambu yaitulituwiti.

40 Su, Musa kawagambiriti Waisraeli kila shintu Mtuwa Mlungu ntambu yakamlagaliriti.