1 Lishaka Musa pakamaliliti kuligolosiya Liringu Linanagala, yomberi kalimiminiriti lipaki su kulitenda liweri linanagala na kulityeka pamuhera na vyombu vyakuyi vyoseri. Viraa yomberi kashityekuwiti shitalawanda sha kutambikira pamuhera na vyombu vyakuyi vyoseri. 2 Shakapanu wakulu wa wantu wa Israeli na wakulu wa kolu na wakulu wa makabila walaviya tambiku zawu, awa ndo walii yawamtangiti Musa kuwawalanga wantu wa Israeli. 3 Womberi wajegiti malaviwu gawu kulongolu kwa Mtuwa Mlungu, mbutuka sita zyaigubikituwi zyazikwegituwi na wankanyama na wang'ombi washipalu lilongu na mbili na mbutuka yaikweguwituwi na wankanyama kwa kila wakulu wa wawili na ng'ombi pongu yumu kwa kila mkulu. Womberi wavilaviyiti kulongolu kwa Liringu Linanagala.

4 Mtuwa Mlungu kamgambiriti Musa, 5 guwanki malaviwu aga kulawa kwa womberi, su gatenderuwi mulihegu lya Liringu Linanagala. Guwapanani wantu wa Lawi kila yumu kulawirana na lihengu lyakuyi.

6 Su Musa katoliti mbutuka za kukwega zilii na wankanyama walii kawapananiti wantu wa Lawi. 7 Wantu wa Gerishoni wapananituwi mbutuka mbili na wankanyama wamsheshi kulawirana na lihengu lyawu, 8 Wantu wa Merari wapananituwi mbutuka za msheshi na wang'ombi washipalu wamsheshi kuwatanga mumahengu gawu. Awa Wagerishoni na Wamerari waweriti pasi pa ulonguziya wa Itihamari mwana gwa mtambika Aruni. 9 Kumbiti Musa kawapananiti ndiri shoseri wantu wa Kohati toziya womberi waweriti na lihengu lya kuvilolera vintu vinanagala vyavifiruwitwi kupapwa mumawega.

10 Lishaka shitalawanda sha kutambikira pashityekuwitwi, wakulu walii wagajegiti malaviwu gawu kwajili ya lihengu ali. 11 "Mtuwa Mlungu kamgambiriti Musa, kila lishaka mkulu yumu hakalaviyi tambiku yakuyi kwajili ya kushityeka shitalawanda sha kutambikira."

12 Su ulii yakalaviyiti tambiku lishaka lya kwanja, kaweriti Nashoni mwana gwa Aminadabu gwa kabila lya Yuda. 13 Tambiku yakuyi iweriti sahani yimu ya madini ga feza ga kilu yimu na nusu na bakuli ayi paviwera vimemiziwa ubumu unama yauhanganyitwi na lipaki kwajili ya tambiku ya viboga viraa, 14 Bakuli shimu sha zahabu shashiwera na utopa wa gramu miya na lilongu shashimemiziwitwi ubani viraa. 15 Ng'ombi gwashipalu yakakamala nentu ndiri yumu na kondolu gwashipalu yumu na mwana gwa kondolu gwashipalu yumu gwa shinja shimu kwajili ya tambiku ya kulunguziwa nakamu viraa. 16 Mbuzi pongu yumu kwajili ya tambiku ya kuwusiya vidoda viraa, 17 wang'ombi washipalu wawili na kondolu washipalu wamuhanu na wambuzi pongu wamuhanu na wakondolu washipalu wa muhanu wa shinja shimu kwajili ya tambiku ya ponga. Ayi ndo iweriti tambiku yakalaviyiti Nashoni mwana gwa Aminadabu.

18 Lishaka lya pili, Natihaneli mwana gwa Suari, mkulu gwa likabira lya Isakari kalaviyiti tambiku yakuyi.

19 Yomberi kalaviyiti sahani yimu yainyawitwi kwa madini ga feza kilu yimu na nusu na bakuli yimu yainyawitwi kwa madini ga feza gramu miya nani kulawirana na vipimu vyavitulitwi Muliringu Linanagala, sahani pamuhera na bakuli ayi vimemiziwitwi ubumu unama yauhanganyikitwi lipaki kwajili ya tambiku ya viboga viraa. 20 Bakuli shimu sha zahabu sha gramu miya na lilongu pashimemiziwitwi ubani viraa, 21 Ng'ombi gwashipalu yakakamala nentu ndiri yumu na kondolu gwashipalu yumu na mwana gwa kondolu gwashipalu yumu gwa shinja shimu kwajili ya tambiku ya kulunguziwa nakamu viraa. 22 Mbuzi pongu yumu kwajili ya tambiku ya kuwusiya vidoda viraa, 23 wang'ombi washipalu wawili na kondolu washipalu wamuhanu na wambuzi pongu wamuhanu na wakondolu washipalu wa muhanu wa shinja shimu kwajili ya tambiku ya ponga. Ayi iweriti tambiku yailaviwituwi na Netihaneli mwana gwa Suari viraa.

24 Lishaka lya tatu, Eliyabu mwana gwa Heloni, yomberi kaweriti mkulu gwa wantu wa likabila lya Zebuluni, su kalaviyiti malaviwu gakuyi. 25 Yomberi kalaviyiti sahani yimu yainyawitwi kwa madini ga feza kilu yimu na nusu na bakuli yimu yainyawitwi kwa madini ga feza gramu miya nani kulawirana na vipimu vyavitulitwi Muliringu Linanagala, sahani pamuhera na bakuli azi vimemiziwitwi ubumu unama yauhanganyikitwi lipaki kwajili ya tambiku ya viboga viraa. 26 Bakuli yimu ya zahabu shashiwera na utopa wa gramu miya na lilongu shashimemiziwitwi ubani viraa, 27 ng'ombi gwashipalu yakakamala nentu ndiri yumu na kondolu gwashipalu yumu na mwana gwa kondolu gwashipalu yumu gwa shinja shimu kwajili ya tambiku ya kulunguziwa nakamu viraa. 28 Mbuzi pongu yumu kwajili ya tambiku ya kuwusiya vidoda viraa, 29 wang'ombi washipalu wawili na kondolu washipalu wamuhanu na wambuzi pongu wamuhanu na wakondolu washipalu wa muhanu wa shinja shimu kwajili ya tambiku ya ponga. Ayi iweriti tambiku yailaviwitwi na Eliyabu mwana gwa Heloni.

30 Lishaka lya msheshi Elisuri mwana gwa Shedeuri, mkulu ngwa likabila lya Rubeni, kalaviyiti malaviwu gakuyi. 31 Yomberi kalaviyiti sahani yimu yainyawitwi kwa madini ga feza kilu yimu na nusu na bakuli yimu yainyawitwi kwa madini ga feza gramu miya nani kulawirana na vipimu vyavitulitwi Muliringu Linanagala, sahani pamuhera na bakuli ayi vimemiziwitwi ubumu unama yauhanganyikitwi lipaki kwajili ya tambiku ya viboga. 32 Bakuli shimu shashiwera na utopa wa gramu miya na lilongu shashimemiziwitwi ubani, 33 ng'ombi gwashipalu yakakamala nentu ndiri yumu na kondolu gwashipalu yumu na mwana gwa kondolu gwashipalu yumu gwa shinja shimu kwajili ya tambiku ya kulunguziwa nakamu. 34 Mbuzi pongu yumu kwajili ya tambiku ya kuwusiya vidoda, 35 wang'ombi washipalu wawili na kondolu washipalu wamuhanu na wambuzi pongu wamuhanu na wakondolu washipalu wa muhanu wa shinja shimu kwajili ya tambiku ya ponga. Ayi iweriti tambiku yailaviwitwi na Elisuri mwana gwa Shedeuri.

36 Lishaka lya muhanu Shelumieli mwana gwa Surishadayi, mkulu ngwa likabila lya Simiyoni, kalaviyiti malaviwu gakuyi.

37 Yomberi kalaviyiti sahani yimu yainyawitwi kwa madini ga feza kilu yimu na nusu na bakuli yimu yainyawitwi kwa madini ga feza gramu miya nani kulawirana na vipimu vyavitulitwi Muliringu Linanagala, sahani pamuhera na bakuli azi vimemiziwitwi ubumu unama yauhanganyikitwi lipaki kwajili ya tambiku ya viboga. 38 Bakuli yimu yainyawitwi kwa madini ga zahabu shashiweriti na utopa wa gramu miya na lilongu shashimemiziwitwi ubani, 39 ng'ombi gwashipalu yakakamala nentu ndiri yumu na kondolu gwashipalu yumu na mwana gwa kondolu gwashipalu yumu gwa shinja shimu kwajili ya tambiku ya kulunguziwa nakamu. 40 Mbuzi pongu yumu kwajili ya tambiku ya kuwusiya vidoda, 41 wang'ombi washipalu wawili na kondolu washipalu wamuhanu na wambuzi pongu wamuhanu na wakondolu washipalu wa muhanu wa shinja shimu kwajili ya tambiku ya ponga. Ayi iweriti tambiku yailaviwitwi na Shelumieli mwana gwa Surishadayi.

42 Lishaka lya sita Eliasafu mwana gwa Deuli, mkulu gwa likabila lya Gadi, kalaviyiti malaviwu gakuyi. 43 Yomberi kalaviyiti sahani yimu yainyawitwi kwa madini ga feza kilu yimu na nusu na bakuli yimu yainyawitwi kwa madini ga feza gramu miya nani kulawirana na vipimu vyavitulituwi Muliringu Linanagala, sahani pamuhera na bakuli azi vimemiziwitwi ubumu unama yauhanganyikitwi lipaki kwajili ya tambiku ya viboga. 44 Bakuli shimu sha zahabu shashiweriti na utopa wa gramu miya na lilongu shashimemiziwitwi ubani, 45 ng'ombi gwashipalu yakakamala nentu ndiri yumu na kondolu gwashipalu yumu na mwana gwa kondolu gwashipalu yumu gwa shinja shimu kwajili ya tambiku ya kulunguziwa nakamu. 46 Mbuzi pongu yumu kwajili ya tambiku ya kuwusiya vidoda, 47 wang'ombi washipalu wawili na kondolu washipalu wamuhanu na wambuzi pongu wamuhanu na wakondolu washipalu wa muhanu wa shinja shimu kwajili ya tambiku ya ponga. Ayi iweriti tambiku yailaviwitwi na Eliasafu mwana gwa Deuli.

48 Lishaka lya saba Elishama mwana gwa Amihudi, mkulu gwa likabila lya Efraimu, kalaviyiti malaviwu gakuyi. 49 Yomberi kalaviyiti sahani yimu yainyawitwi kwa madini ga feza kilu yimu na nusu na bakuli yimu yainyawitwi kwa madini ga feza gramu miya nani kulawirana na vipimu vyavitulituwi Muliringu Linanagala, sahani pamuhera na bakuli azi vimemiziwitwi ubumu unama yauhanganyikitwi lipaki kwajili ya tambiku ya viboga. 50 Bakuli shimu sha zahabu shashiweriti na utopa wa gramu miya na lilongu shashimemiziwitwi ubani, 51 ng'ombi gwashipalu yakakamala nentu ndiri yumu na kondolu gwashipalu yumu na mwana gwa kondolu gwashipalu yumu gwa shinja shimu kwajili ya tambiku ya kulunguziwa nakamu. 52 Mbuzi pongu yumu kwajili ya tambiku ya kuwusiya vidoda, 53 wang'ombi washipalu wawili na kondolu washipalu wamuhanu na wambuzi pongu wamuhanu na wakondolu washipalu wa muhanu wa shinja shimu kwajili ya tambiku ya ponga. Ayi iweriti tambiku yailaviwitwi na Elishama mwana gwa Amihudi.

54 Lishaka lya nani Gamalieli mwana gwa Pedasuri, mkulu gwa likabila lya Manasi, kalaviyiti mlaviwu gakuyi. 55 Yomberi kalaviyiti sahani yimu yainyawitwi kwa madini ga feza kilu yimu na nusu na bakuli yimu yainyawitwi kwa madini ga feza gramu miya nani kulawirana na vipimu vyavitulitwi Muliringu Linanagala, sahani pamuhera na bakuli azi vimemiziwitwi ubumu unama yauhanganyikitwi lipaki kwajili ya tambiku ya viboga. 56 Bakuli shimu sha zahabu shashiwera na utopa wa gramu miya na lilongu shashimemiziwitwi ubani, 57 ng'ombi gwashipalu yakakamala nentu ndiri yumu na kondolu gwashipalu yumu na mwana gwa kondolu gwashipalu yumu gwa shinja shimu kwajili ya tambiku ya kulunguziwa nakamu. 58 Mbuzi pongu yumu kwajili ya tambiku ya kuwusiya vidoda, 59 wang'ombi washipalu wawili na kondolu washipalu wamuhanu na wambuzi pongu wamuhanu na wakondolu washipalu wa muhanu wa shinja shimu kwajili ya tambiku ya ponga. Ayi iweriti tambiku yailaviwitwi na Gamalieli mwana gwa Padasuri.

60 Lishaka lya tisa Abidani mwana gwa Gidiyoni, mkulu gwa likabila lya Benjamini, kalaviyiti malaviwu gakuyi. 61 Yomberi kalaviyiti sahani yimu yainyawitwi kwa madini ga feza kilu yimu na nusu na bakuli yimu yainyawitwi kwa madini ga feza gramu miya nani kulawirana na vipimu vyavitulitwi Muliringu Linanagala, sahani pamuhera na bakuli azi vimemiziwitwi ubumu unama yauhanganyikitwi lipaki kwajili ya tambiku ya viboga. 62 Bakuli shimu sha zahabu shashiwera na utopa wa gramu miya na lilongu shashimemiziwitwi ubani, 63 ng'ombi gwashipalu yakakamala nentu ndiri yumu na kondolu gwashipalu yumu na mwana gwa kondolu gwashipalu yumu gwa shinja shimu kwajili ya tambiku ya kulunguziwa nakamu. 64 Mbuzi pongu yumu kwajili ya tambiku ya kuwusiya vidoda, 65 wang'ombi washipalu wawili na kondolu washipalu wamuhanu na wambuzi pongu wamuhanu na wakondolu washipalu wa muhanu wa shinja shimu kwajili ya tambiku ya ponga. Ayi iweriti tambiku yailaviwitwi na Abidani mwana gwa Gidiyoni.

66 Lishaka lya lilongu Ahiezeri mwana gwa Amishadayi, mkulu gwa likabila lya Dani, kalaviyiti malaviwu gakuyi. 67 Yomberi kalaviyiti sahani yimu yainyawitwi kwa madini ga feza kilu yimu na nusu na bakuli yimu yainyawituwi kwa madini ga feza gramu miya nani kulawirana na vipimu vyavitulitwi Muliringu Linanagala, sahani pamuhera na bakuli azi vimemiziwitwi ubumu unama yauhanganyikituwi lipaki kwajili ya tambiku ya viboga. 68 Bakuli yimu ya zahabu shashiwera na utopa wa gramu miya na lilongu shashimemiziwitwi ubani, 69 ng'ombi gwashipalu yakakamala nentu ndiri yumu na kondolu gwashipalu yumu na mwana gwa kondolu gwashipalu yumu gwa shinja shimu kwajili ya tambiku ya kulunguziwa nakamu. 70 Mbuzi pongu yumu kwajili ya tambiku ya kuwusiya vidoda, 71 wang'ombi washipalu wawili na kondolu washipalu wamuhanu na wambuzi pongu wamuhanu na wakondolu washipalu wa muhanu wa shinja shimu kwajili ya tambiku ya ponga. Ayi iweriti tambiku yailaviwitwi na Ahiezeri mwana gwa Amishadayi.

72 Lishaka lya lilongu na limu, Pagieli mwana gwa Okurani, mkulu gwa likabila lya Asheri, kalaviyiti malaviwu gakuyi. 73 Yomberi kalaviyiti sahani yimu yainyawitwi kwa madini ga feza kilu yimu na nusu na bakuli yimu yainyawitwi kwa madini ga feza gram miya nani kulawirana na vipimu vyavitulitwi Muliringu Linanagala, sahani pamuhera na bakuli ayi vimemiziwitwi ubumu unama yauhanganyikitwi lipaki kwajili ya tambiku ya viboga. 74 Bakuli yimu sha zahabu shashiwera na utopa wa gram miya na lilongu shashimemiziwitwi ubani, 75 ng'ombi gwashipalu yakakamala nentu ndiri yumu na kondolu gwashipalu yumu na mwana gwa kondolu gwashipalu yumu gwa shinja shimu kwajili ya tambiku ya kulunguziwa nakamu. 76 Mbuzi pongu yumu kwajili ya tambiku ya kuwusiya vidoda, 77 wang'ombi washipalu wawili na kondolu washipalu wamuhanu na wambuzi pongu wamuhanu na wakondolu washipalu wa muhanu wa shinja shimu kwajili ya tambiku ya ponga. Ayi iweriti tambiku yailaviwitwi na Pagieli mwana gwa Okurani.

78 Mulishaka lya lilongu na mbili Ahira mwana gwa Enani, mkulu gwa likabila lya Nafutali, kalaviyiti malaviwu gakuyi. 79 Yomberi kalaviyiti sahani yimu yainyawitwi kwa madini ga feza kilu yimu na nusu na bakuli yimu yainyawitwi kwa madini ga feza gramu miya nani kulawirana na vipimu vyavitulitwi Muliringu Linanagala, sahani pamuhera na bakuli ayi vimemiziwitwi ubumu unama yauhanganyikitwi lipaki kwajili ya tambiku ya viboga. 80 Bakuli yimu yaiwera na utopa wa gramu miya na lilongu shashimemiziwituwi ubani, 81 ng'ombi gwashipalu yakakamala nentu ndiri yumu na kondolu gwashipalu yumu na mwana gwa kondolu gwashipalu yumu gwa shinja shimu kwajili ya tambiku ya kulunguziwa nakamu. 82 Mbuzi pongu yumu kwajili ya tambiku ya kuwusiya vidoda, 83 wang'ombi washipalu wawili na kondolu washipalu wamuhanu na wambuzi pongu wamuhanu na wakondolu washipalu wa muhanu wa shinja shimu kwajili ya tambiku ya ponga. Ayi iweriti tambiku yailaviwitwi na Ahira mwana gwa Enani.

84 Mawalanga goseri ga malaviwu ga wakulu wa Waisraeli kwajili ya shitalawanda sha kutambikira lishaka palityekuwitwi gaweriti, sahani zyazinyawitwi kwa madini ga feza ziweriti lilongu na mbili na mabakuli gaganyawitwi kwa madini ga feza gaweriti lilongu na mbili na visahani vyavinyawitwi kwa zahabu viweriti lilongu na mbili. 85 Kila sahani yainyawitwi kwa madini ga feza iweriti na utopa wa kilu yimu na nusu na kila bakuli liweriti na utopa wa gramu miya nani. Su vyombu vyoseri viweriti na utopa wa kilu malongu mawili na saba na gramu miya sita kulawirana na vipimu vyavitulitwi Muliringu Linanagala.

86 Visahani virii lilongu na mbili vyavinyawitwi kwa zahabu, virii vyavimemiti ubani kila shimu shiweriti na utopa wa gramu miya na lilongu kulawirana na vipimu vyavitulitwi Muliringu Linanagala, vyoseri viweriti na utopa wa kilu yimu na gramu miya tatu na malongu mawili. 87 Walanga ya wankanyama woseri wakulunguziwa waweriti, wang'ombi washipalu lilongu na mbili na wakondolu washipalu wa shinja shimu waweriti lilongu na mbili na wambuzi pongu waweriti lilongu na mbili pamuhera na tambiku ya viboga kwajili ya tambiku ya kuwusiya vidoda. 88 Walanga ya wankanyama yawalaviyitwi kuwera tambiku ya ponga waweriti wang'ombi washipalu malongu mawili na msheshi na wakondolu washipalu malongu sita na wambuzi pongu waweriti malongu sita na wakondolu washipalu wa shinja shimu waweriti malongu sita. Ayi ndo iweriti tambiku yailaviwitwi kwajili ya shitalawanda sha kutambikira pa shitalawanda ashi kutyekuwiti.

89 Musa pakingiriti Muliringu Linanagala su kayoweri na Mtuwa Mlungu, yomberi kapikaniriti liziwu kulawa pamfiniku yagushemuwa shigoda sha kulekeziya, shashiweriti panani pa Lisanduku lya Lipatanu, kulawa pakati pa viumbi walii wawili yawawera na mbapatiru.