1 Azi ndo semu zeni Waisraeli wagenda mwanja pawalawiti Misri pawawera muvipinga vya makabila gawu pasi pa ulongoziya wa Musa na Aruni. 2 Musa kalembiti litawu lya kila pahala pawagonjiriti mwanja, kulawirana na malagaliru ga Mtuwa Mlungu.

3 Waisraeli wawukiti mumji gwa Ramsesi lishaka lya lilongu na muhanu lya mwezi gwa kwanja, lishaka limu pa msambu gwa Pasaka. Womberi wawukiti kwa ugangamala mkulu kulongolu kwa Wamisri woseri. 4 Wamisri waweriti wankuwasila wapanta njira wawu wapalu yawalagitwi na Mtuwa Mlungu, tembera Mtuwa Mlungu kaweriti kajega utoza ata kwa milungu yawu.

5 Su wantu wa Israeli wawuka Ramisesi wabawaliti malimgu gawu aku Sukoti. 6 Kulawa Sukoti wabawaliti malingu gawu aku Etamu kumbwega kushiwala. 7 Kulawa Etamu, kushiwala wagalambuka na kuwuya mpaka Pi Hahiroti kwagulawa mshenji mwa Baali Sefoni, wabawaliti malingu gawu pakwegera na Migidoli. 8 Wawukiti Pi hahiroti, walokiti bahari ya Shamu mpaka kushiwala sha Etamu, waweriti mumwanja kushiwala mwanja gwa mashaka matatu, wagonjera mwanja gwawu Mara. 9 Kulawa Mara, wagenditi mwanja mpaka Elimu, Elimu aku kuweriti na mbwiru za mashi lilongu na mbili na mitendi malongu saba, wabawaliti malingu gawu kulii.

10 Wagenditi mwanja kulawa Elimu, wabawariti malingu gawu pakwegera na baali ya Shamu. 11 Kulawa baali ya Shamu wabawariti malingu gawu mushiwala sha Sini. 12 Kulawa kushiwala sha Sini wabawariti malingu gawu Dofika. 13 Kulawa Dofika wabawariti malingu gawu aku Alushi. 14 Kulawa Alushi wabawariti malingu gawu aku Refidimu, peni paweriti ndiri na mashi ga kulanda.

15 Wawukiti Refidimu wabawariti malingu gawu mushiwala sha Sinai. 16 Kulawa Sinai wabawariti malingu gawu aku Kibroti Hataavi 17 Kulawa Kibroti Hataava wabawariti malingu gawu aku Haseroti. 18 Kulawa Haseroti wabawaliti malingu aku Ritima. 19 Kulawa Ritima, wabawaliti malingu gawu aku Rimoni Perezi. 20 Kulawa Rimoni Perezi, wabawaliti malingu gawu aku Libina. 21 Kulawa Ribina wabawaliti malingu gawu Risa. 22 Wawukiti Risa, wabawaliti malingu gawu aku Kehelati. 23 Kulawa Kehelati, wabawaliti malingu gawu kulugongu Sheferi. 24 Kulawa lugongu Sheferi wabawaliti malingu gawu aku Harada. 25 Kulawa Harada, wabawaliti malingu gawu aku Mekeloti. 26 Kulawa Mekeloti, wabawaliti malingu gawu aku Tahati. 27 Kulawa Tahati wabawaliti malingu gawu Tera. 28 Kulawa Tera wabawaliti malingu gawu Mitika 29 Kulawa Mitika, wabawaliti malingu gawu Hashimoni. 30 Kulawa Hashimoni, wabawaliti malingu gawu Moseroti. 31 Kulawa Moseroti, wabawaliti malingu gawu Bene yakani. 32 Kulawa Beni Yakani, wabawaliti malingu gawu Hori Hagidigadi. 33 Kulawa Hori Hagidigadi, wabawaliti malingu gawu Yoti Bata. 34 Kulawa Yoti Bata, wabawaliti malingu gawu Abirona. 35 Kulawa Abrona, wabawaliti malingu gawu Esiyoni Geberi. 36 Wawukiti Esiyoni Geberi, wagenda mwanja na kubawila malingu gawu kushiwala sha Sini, ndo Kadeshi. 37 Kulawa Kadeshi, wabawaliti malingu gawu kulugongu Hori, mumbaka mwa isi ya Edomu.

38 Kwa lilagaliru lya Mtuwa Mlungu, mtambika Aruni kakweni kulugongu Hori, na aku kahowiti lishaka lya kwanja lya mwezi gwa muhanu, shinja sha malongu msheshi kwanjira Waisraeli walawiti muisi ya Misri. 39 Aruni kaweriti na vinja miya yimu na malongu matatu pakahowiti kulugongu Hori.

40 Mfalumi gwa Aradi, muntu gwa Kanaani ulii yakalikaliti uwega wa kusika muisi ya Kanaani, yomberi kapatiti visoweru kuwera wantu wa Israeli waweriti wankwiza.

41 Kulawa kulugongu Hori, wantu wa Israeli wabawaliti malingu gawu aku Salimona. 42 Kulawa Salimona, wabawaliti malingu gawu aku Punoni. 43 Kulawa Punoni, wabawaliti malingu gawu Oboti. 44 Kulawa Oboti, wabawaliti malingu gawu Lye Abarimu, museemu ya Mowabu. 45 Kulawa Lye abarimu, wabawaliti malingu gawu Diboni Gadi 46 Kulawa Diboni Gadi, wagenditi mwanja na kubawilamalingu gawu aku Alimoni Dibilataimu. 47 Kulawa Alimoni Dibilataimu, wagenditi mwanja na kubawila malingu gawu kulugongu lwa Abarimu, pakwegera na lugongu Nebu. 48 Kulawa migongu ya Abarimu, wagenditi mwanja na kubawila malingu gawu kulalanda za Mowabu kumwambu kulushemba Yoridani pakwegera na Yeriku. 49 Watuli kambi ayi pakwegera na lushemba Yoridani pakati pa Beti Yeshimoti na lulalanda lwa Abeli shitimu lalanda za Mowabu.

50 Mululalanda za Mowabu, kumwambu kulushemba Yoridani pakwegera na Yeriku, Mtuwa kamgambiriti Musa, 51 "Guwagambiri wantu wa Israeli kuwera pamloka lushemba Yoridani na kwingira kuisi ya Kanaani, 52 muwawingi wenikaya woseri wa isi ayi kulongolu kwenu. Hamuvihabisiyi vinyagu vyawu vyoseri vya kusongola na vinyagu vya kuponda na kupabomola kila pahala pawu pambindi pa kuguwira. 53 Hamuitoli kwa makakala isi ayi na kulikala amu toziya niwapanani iweri yenu. 54 Hamuyibagulangi isi ayi kwa kugalambula simbi kugenderana na kaya zenu, semu nkulu kwa likabila likulu na semu ndidini kwa likabila lididini. 55 Kumbiti handa pamuwawinga ndiri huti wenikaya wa isi ayi, su walii yamgenda kuwaleka hawaweri gambira shipingiri pamasu penu ama misontu mukila wega muluwavu mwenu na hawawagaziyi. 56 Na neni haniwagamiziyi mwenga ntambu yanfiriti kuwagamiziya womberi."