Deuteronômio 11

18 इजी री खातर तुसे मेरे इना वचना खे आपणे-आपणे मन ओर प्राणो दे बसाई की राखेयो ओर चिह्नो रे रूपो दे आपणे आथो रे बानणे ओर सेयो तुसा री आखी बीचे टीके रा काम करो। 19 तुसे कअरे बैठी की, बाटा रे चलदे, लेटदे-उठदे इना री चर्चा करी की आपणे बच्चेया खे सिखाया करेयो। 20 यो आपणे कअरो री चौखटा रे कनारे ओर आपणे प्रवेश द्धारो पाँदे लिखणियां। 21 ताकि जेस प्रदेशो रे बारे दे यहोवे तेरे बुजुर्गा ते वादा करी की बोलेया था कि मां से तुसा खे देणा, तिदे तुसे ओर तुसा रे बच्चेया री जादा उम्र ओ ओर जदुओ तक तरतिया पाँदे सर्ग बणेया रा रओ, तदुओ तक सेयो बी बणे रे रओ।