उत्पत्ति 10

नूह कर खानदान*10:1 वंसावली

1 नूह कर टोरवा सेम, हाम अउ येपेत कर वंसावली हइ मेर हबै, जल परलय के बाद उनखर इन तीनोझन कर टोरवा पइदा होथै। 2 येपेत कर टोरवा गोमेर, मागोग, मादै, यावान, तूबल, मेसेक अउ तीरास रथै। 3 गोमेर कर टोरवा, असकनज, रीपत अउ तोगर्मा रथै। 4 यावान कर टोरवा, एलीसा, तर्सीस, कित्ती अउ दोदानी मनसे रथै। 5 इनखरै लग समुन्दर के लिघ्घो देसन हे रहै बाले जात पइलिन रहिन, इहै मनसेन अपन-अपन देसन हे अपन-अपन भासा, कुर अउ जात के जसना याफत के पुरखा रथै। 6 हाम कर टोरवा, कूस, मिस्र, फूट अउ कनान रथै। 7 कूस कर टोरवा, सेबा, हवीला, सबता, रामा अउ सबूतका रथै, रामा कर टोरवा, सेबा अउ ददान रथै। 8 कूस कर अक्ठी रथै जेखर नाम निम्रोद रथै, जउन दुनिया के पहिला मनसे महा सक्तिसाली बिजेता रथै। 9 ऊ परभु कर नजर हे बडा सिकारी रथै, इहैनिता ओखर बारे हे हइ किस्सा चले अउत हबै, परभु कर नजर हे निम्रोद, 10 ओखर राज के सुरुवात बेबीलोन, एरेख, कलने अउ अक्कद लग हुइस। हइ सब सिनार देस हे हबै। 11 ऊ उस देस लग निकर के अस्सूर देस हे आइस अउ उहां नीनवे, रहोबोतीर अउ कालह सहर के बसाइस। 12 ऊ रेसेन नाम के सहर के बसाइस, जउन नीनवे अउ बडा सहर कालह के बीच के अक्ठी बडा सहर हबै। 13 मिस्र डउकी लग लूदी, अनामी, लहाबी, नप्तूही, 14 पतरूसी, कसलूही अउ कप्तोरी के पइदा करिस, कसलूही मनसे लग पलिस्ती मनसे निकरिस। 15 कनान सीदोन के बाफ रथै, सीदोन कनान के पहिला लरका रथै फेर हित्ती लग पइदा होथै, 16 अउ यबूसी, एमोरी, गिर्गासी, 17 हिव्वी, अर्की, सीनी, 18 अर्वदी, समारी अउ हमाती हुइन फेर कनानियन के जात फइल गइन। 19 कनानियन मनसेन के इलाका सीदोन लग गरार के पल्ला*10:19 तरफ गाजा तक अउ सदोम, अमोरा, अदमा अउ सबोयीम के पल्ला लासा तक रथै। 20 हइ सगलू मनसे हाम के लरका रथै, उन सब परवार के अपन-अपन भासा अउ अपन-अपन परदेस रथै। 21 सेम येपेत के बडा भाइ रथै, सेम के टोरवा पइदा हुइस, ऊ सगलू एबेर के मनसेन के बाफ रथै। 22 सेम कर टोरवा, एलाम, अस्सूर, अर्पसद, लूद अउ अराम हुइस। 23 अराम कर टोरवा, ऊस, हूल, गेतेर अउ मसे हुइस। 24 अउ अर्पसद सेलह के बाफ रथै, सेलह एबेर कर बाफ रथै। 25 एबेर कर दुइठे लरका हुइन, अक्ठी टोरवा कर नाम पेलेग रथै, उके हइ नाम इहैनिता दय गय रथै, काखे उन दिनन हे भुंइ के बांटा होय रथै, अउ दूसर भाई कर नाम योक्तान रथै। 26 अउ योक्तान कर लरका, अल्मोदाद, अउ सेलेप, हसर्मावेत, येरह, 27 यदोरवाम, ऊजाल दिक्ला, 28 ओबाल, अबीमाएल, सेबा, 29 ओपीर, हवीला अउ योबाब के पइदा करिस, इनै सब योक्तान के लरका रहिन। 30 हइ मनसे मेसा अउ पूरब के अक्ठी डोंगर के बीच जमीन हे रथै, मेसा सपारा परदेस के तरफ रथै। 31 उन मनसे सेम के घराना के रथै, अउ भासा, कुर, देस, जात के जसना अलगे-अलगे हुइ जथै। 32 नूह के टोरवन लग चलै बाले घराना के हइ खानदान हबै, उन अपन-अपन देस हे बटर के रथै, जल परलय के बाद सगलू भुंइ हे फइले बाले मनसे नूह कर घराना लग निकरे हबै।