1 इन बातन के बाद भगवान अब्राहम के बिस्वास के परिक्छा लेय का सोचिस, तब भगवान अब्राहम लग कथै, "अब्राहम" तब ऊ जबाब देथै, "हां परभु।✝" 2 भगवान कथै, "तै अपन टोरवा, अपन अक्ठिन टोरवा इसहाक लग माया करथस, तै ओही लइके मोरिय्याह देस छो जा, तै ऊ डोंगर हे जइहे जिहां मै तोके दिखाहुं, उहां तै अपन टोरवा के मरिहे अउ ओही बलि के रूप हे मोके चढाइहे।" 3 तब अब्राहम सुबेन्ने उठिस, अउ ऊ अपन गदहा के तइयार करिस, अब्राहम इसहाक अउ दुइठे हरवाहन के अपन संग लइस, अब्राहम बलि चढामै के निता लकडी काट के धरिस, तब उन ऊ जिघा गइन जिहां भगवान जाय के निता कहे रथै। 4 उनखर तीन रोज यातरा के बाद अब्राहम दुरिहां लग ऊ जिघा के देखथै जिहां उनही जाय के रथै। 5 तब अब्राहम अपन हरवाहन लग कथै, तुम गदहा के संग इहै रुका, मै अपन टोरवा के ऊ जिघा लइ जइहों, अउ महिमा करिहों, तब फेर तुम्हर लिघ्घो लउट अउब। 6 अब्राहम बलि चढामै के निता लकडी के इसहाक के पिठार हे लाद देथै, अउ अपन हाथ हे आगी अउ छूरा लेथै, उन दोनो एक्कै संग चलथै। 7 इसहाक अपन बाफ लग कथै, "बाफ जी" अब्राहम जबाब देथै, "हां टोरवा।" इसहाक कथै, "मै लकडी अउ आगी के देखथो पय ऊ गेडरा कछो हबै, जेही हम बलि के रूप हे चढाउबे?" 8 अब्राहम ओखर लग कथै, भगवान बलि चढामै के निता गेडरा खुदय खोज लइ, हइ मेर लग ऊ अउ ओखर टोरवा दोनोझन संग-संग चलथै। 9 उन दोनो ऊ जिघा पहुंचिन जिहां भगवान जाय का कहे रथै, उहां अब्राहम अक्ठी बलि के बेदी बनाइस, अउ ऊ बेदी हे लकडी मढाइस, तब ऊ अपन टोरवा इसहाक के हाथ के बांधिस अउ उके लकडी के उप्पर बेदी हे सोबय देथै।✝ 10 तब अब्राहम अपन टोरवा के मारै के निता अक्ठी छूरा निकारथै। 11 पय भगवान के दूत स्वरग लग पुकारके कथै, "अब्राहम, अब्राहम" अब्राहम जबाब देथै, "हां मै इछो हव।" 12 दूत कथै, अपन टोरवा के झइ मार अउ ओही कुछु खारोच झइ पहुंचा, अब मै जान गय हव कि तै भगवान के आदेस के मानथस, मै देखो कि तै अपन अक्ठिन टोरवा के मोर निता मारै के निता तइयार हुइ गय। 13 अब्राहम अपन नजर डालिस कि ता अक्ठी छिगरी के देखिस, छिगरी के सींग अक्ठी पुडरा हे फंस गय रथै, इहैनिता ऊ गइस, अउ ओही पकडके मार डारिस, अब्राहम छिगरी के अपन टोरवा के जिघा बलि चढाइस। 14 इहैनिता अब्राहम ऊ जिघा के नाम इरे रखिस, इरे के मतलब भगवान देखथै, आजो मनसे कथै, "हइ डोंगर हे भगवान के देखे जा सकथै।" 15 भगवान के स्वरगदूत स्वरग लग अब्राहम के दूसर बेर पुकारथै। 16 भगवान कथै, "तै मोर निता अपन टोरवा के मारै के निता तइयार रथस, हइ तोर अक्ठिन टोरवा रथै, तै मोर निता असना करे हबस, इहैनिता मै तोके किरिया खथो कि,✝ 17 मै तोके जरूर आसीस देहुं, मै तोके एतका लरका दइहों जेतका बादर के तराइया हबै, हइ एतका मनसे हुइहिन जेतका समुन्दर के कुदरा हबै अउ तोर लरका सगलू बैरिन के हराइहिन।✝ 18 दुनिया के सगलू देस तोर घराना लग आसीस पइहिन, मै हइ इहैनिता करिहों काखे तै मोर बात के माने हबस।" 19 तब अब्राहम अपन हरवाहन के लिघ्घो लउट अइस, उन बेरसेबा इलाका छो यातरा करिन अउ अब्राहम उहै रहै लगथै।

20 एखर बाद अब्राहम के हइ संदेस मिलथै, "तोर भाई नाहोर अउ ओखर डउकी मिल्का के अब लरका हबै।" 21 पहिले टोरवा कर नाम ऊस हबै, दूसर टोरवा कर नाम बूज हबै, तीसर टोरवा कर नाम अराम अउ अराम कर बाफ कमूएल हबै। 22 एखर बाद ओखर लरका केसेद, हजो, पिल्दास, इदलाप अउ बतूएल हबै। 23 बतूएल, रिबका के बाफ रथै, मिल्का हइ आठठे टोरवन के दाय रथै, अउ नाहोर बाफ रथै, नाहोर अब्राहम के भाई रथै। 24 नाहोर के चारठे लरका रथै ओखर अक्ठी रखेल डउकी रूमा रथै ओखर चारठे लरका रथै, अउ उनखर नाम तेबह, गहम, तहस, माका रथै।