1 हइ बातन के बाद कउनो मनसे यूसुफ लग कथै, तोर बाफ नंगाय हबै। इहैनिता यूसुफ अपन दुनो टोरवा मनस्से अउ एप्रैम के अपन संग लइस अउ अपन बाफ के लिघ्घो कढ गइन। 2 जब यूसुफ पहुंचिस ता कउनो याकूब लग कथै, "तोर टोरवा यूसुफ तोके देखै के निता आय हबै।" याकूब बोहत कमजोर रथै, पय ऊ बोहत परयास करिस अउ खटिया हे बइठ गइस।✝ 3 याकूब यूसुफ लग कथै, सक्तिमान भगवान मोके कनान देस के लूज सहर के लिघ्घो मोके दरसन दय रथै, अउ ऊ मोके हइ आसीस दय रथै। 4 भगवान मोर लग कहे रथै, मै तोर अक्ठी बडा परवार बनाहुं। मै तोके बोहत जादा लरका देहुं अउ तै अक्ठी बडा देस बनही। तुम्हर मनसे के अधिकार ई देस हे हरमेसा बने रही। 5 अब तोर दुनो टोरवा, जउन मिस्र देस हे मोर आमै लग पहिले पइदा होय रथै, ऊ मोर हबै। जसना रूबेन अउ सिमोन हबै ओसनेन मनस्से अउ एप्रैम मोर हबै। 6 पय अगर तुम्हर दूसर टोरवा हुइहिन, ता ऊ तुम्हर लरका हुइहिन। पय उहो एप्रैम अउ मनस्से के जउन कुछु होही, ओहमा हिस्सेदार हुइहिन। 7 जब मै पद्दान लग आथो, तब एप्राता सहर अबे कुछ दुरिहां रथै, तब कनान देस हे मोर लिघ्घो राहेल के रास्ता हे मर गइस। मै उके उहै एप्राता सहर मतलब बैतलहम के रास्ता हे गाड दयों।✝ 8 तब इस्राएल यूसुफ के टोरवा के देखिस, इस्राएल पूंछिस, "हइ टोरवा कोनहर आय?" 9 यूसुफ अपन बाफ लग कथै, "हइ मोर टोरवा आय। ई ऊ टोरवा आय जिके भगवान मोके दय हबै।" इस्राएल कथै, "अपन टोरवा के मोर लिघ्घो ला, मै उके आसीस देहुं।" 10 इस्राएल डोकरा रथै अउ ओखर आंखी ठीक नेहको रथै, इहैनिता यूसुफ अपन टोरवा के अपन बाफ के लिघ्घो लइ गय। इस्राएल लरकन के चूमिस अउ गले लगाइस। 11 तब इस्राएल यूसुफ लग कथै, "मै कबहुन सोचे नेहको रथो कि मै तोर मुंह फेरै देखहुं, पय देख, भगवान तोके अउ तोर लरकन के मोके देखै दइस।" 12 तब यूसुफ लरकन के इस्राएल के गोदी लग लइस अउ ऊ ओखर बाफ के आगू परनाम करै के झुकिस। 13 यूसुफ एप्रैम के अपन दहिना पार करिस अउ मनस्से के अपन टेटरा पार हइ मेर एप्रैम इस्राएल के टेटरा पार रथै अउ मनस्से इस्राएल के दहिना पार रथै। 14 तब इस्राएल अपन दहिना पार हाथ बढाय के उके एप्रैम के मूंड हे रखिस। एप्रैम नान टोरवा रथै। उन अपन टेटरा हाथ आडा करके मनस्से के मूंड हे रखिस। मनस्से बडा टोरवा रथै। 15 अउ इस्राएल यूसुफ के आसीस दइस अउ कथै, "मोर पुरखा अब्राहम अउ इसहाक हमर भगवान के जसना चलिन, अउ उहै भगवान मोर पूरा जीवन के रास्ता हे अगुवाइ करे हबै।✝ 16 उहै दूत रहिस जउन मोके सगलू कस्टन लग बचाइस अउ मोर बिनती हबै कि हइ लरकन के ऊ आसीस दे। अब हइ लरका मोर नाम पइहिन। ऊ हमर पुरवज अब्राहम अउ इसहाक के नाम पइहिन। मै बिनती करथो कि ऊ ई भुंइ हे बडा परवार अउ देस बनहिन।" 17 यूसुफ देखिस कि ओखर बाफ एप्रैम के मूंड हे दहिना हाथ धरिस। ऊ यूसुफ के खुस नेहको कर सकिस। यूसुफ अपन बाफ के हाथ के पकडिस। ऊ उके एप्रैम के मूंड लग हटाय के मनस्से के मूंड हे रखै चाहथै। 18 यूसुफ अपन बाफ लग कथै, "तै अपन दहिना हाथ गलत टोरवा हे रखे हबस। मनस्से के पइदा पहिले हबै।" 19 पय ओखर बाफ सोचिस अउ कथै, "टोरवा, मै जानथो, मनस्से के पइदा पहिले हबै अउ ऊ बडा होही। ऊ बोहत मनसे के बाफ होही, पय नान बडा भाई लग बडा होही अउ नान भाई के परवार ओखर लग बोहत बडा होही।" 20 हइ मेर इस्राएल ऊ रोज उनके आसीस दइस, ऊ कथै, "इस्राएल के मनसे तुम्हर नाम के निस्तार आसीस देय के निता करहिन, तुम्हर कारन किरपा मिलही। मनसे बिनती करहिन भगवान तोके एप्रैम अउ मनस्से के जसना बनाय।" हइ मेर इस्राएल एप्रैम के मनस्से लग बडा बनाइस। 21 तब इस्राएल यूसुफ लग कथै, "देख मोर मिरतू कर टेम आय गय हबै। पय भगवान तुम्हर संग अबो रही। ऊ तुमके तुम्हर पुरवजन के देस तक लउटाय लय जही। 22 मै तोके असना कुछ दय हव जउन तुम्हर भाई के नेहको दय हव, मै तोके ऊ डोंगर देथो जेही मै एमोरी मनसे लग जीते रहों। ऊ डोंगर के निता मै अपन तलबार अउ अपन धनही लग लडै रहों अउ मै मोर जीत हुइस।✝"