उत्पत्ति 36

एसाव कर परवार

1 एसाव जउन एदोमो कहाथै, ओखर हइ परवार हबै।✝36:1 1 इति 1:34-37 2 एसाव कनान देस के टोरिया लग काज करे रथै, हइ ओखर डउकी रथै, हित्ती जात के एलोन के टोरिया आदा, ओहोलीबामा हिव्वी सिबोन के नतिनिया अउ अना के टोरिया।✝36:2 उत्पति 26:34 3 फेर ऊ इस्माइल के टोरिया बासमत के, जउन नबायोत के बेहन रथै, काज कर लइस।✝36:3 उत्पति 28:9 4 आदा एसाव के अक्ठी टोरवा एलीपज के दइस बासमत के रूएल नाम अक्ठी टोरवा के पइदा करिस। 5 अउ ओहोलीबामा यूस, अउ यालाम, कोरह के पइदा करिस, इहै एसाव के टोरवा हबै, जउन उके कनान देस हे पइदा होय रथै। 6 एसाव अपन डउकी, टोरिया टोरवा, अपन परवार के सगलू मनसे, पाले बाले पसु, गाय, गोरू, गेडरा छेडी, अउ कनान देस हे जउन अकजुट करे रथै अपन सगलू डेरा के लइके अपन भाई याकूब के लिघ्घो दूसर देस छो कढ जथै। 7 उन दोनोन के लिघ्घो एतका डेरा हुइ गय रथै, कि उन अक संग नेहको रह सकथै, जउन देस हे परवेस करत रहै, ऊ दोनो के नेहको समाय सकथै, काखे उनखर लिघ्घो बोहत पसु रथै। 8 एसाव सेईर परदेस डोंगर हे जाय के बस गय, एसाव के एदोमो कथै। 9 एसाव एदोम मनसे के मूल बाफ हबै, सेईर एदोम के डोंगर परदेस हे रहैबाले एसाव के परवार के हइ नाम हबै। 10 हइ एसाव के टोरवन के नाम हबै, एसाव के डउकी आदा के टोरवा एलीपज एसाव के दूसर डउकी बासमत के टोरवा रूएल रथै। 11 हइ एलीपज के पांच टोरवा हबै, तेमान ओमार, सपो, गाताम अउ कनज। 12 एलीपज के अक्ठी तिम्ना नाम के दासी रखेल रथै, ऊ एलीपज लग अमालेक के पइदा करिस, एसाव के डउकी आदा के इहै टोरवा हबै। 13 हइ रूएल के टोरवा हबै, नहत, जेरह, सम्मा, अउ मिज्जा, एसाव के डउकी बासमत के इहै टोरवा हबै। 14 एसाव के डउकी ओहोलीबामा के जउन सिबोन के नतिनिया अउ अना के टोरिया रथै, हइ टोरवा हबै, ऊ एसाव लग यूस, यालाम अउ कोरह के पइदा करिस। 15 एसाव लग चले बाले परवार इहै हबै, एसाव के पहिला टोरवा एलीपज रथै, एलीपज लग आइस, तेमान, ओमार, सपो, कनज, 16 कोरह, गाताम, अमालेक, एलीपज, एदोम देस हे हइ सगलू परवार एसाव के डउकी आदा लग आइन। 17 एसाव के टोरवा रूएल हइ परवार के मूल बाफ रथै, नहत, जेरह, सम्मा, मिज्जा, एदोम देस मसे हइ सगलू परवार एसाव के डउकी बासमत लग आइन। 18 हइ एसाव के डउकी ओहोलीबामा के परवार हबै, जउन मुखिया हुइन, यूस, यालाम अउ कोरह, एसाव के डउकी अउ अना के टोरिया ओहोलीबामा लग इहै परवार हबै। 19 इहै एसाव मतलब एदोम के परवार अउ उनखर मुखिया हबै।

सेईर के परवार

20 एसाव के पहिले एदोम देस हे सेईर नाम अक्ठी होरी मनसे रहथै, सेईर कर टोरवा हइ हबै, लोतान, सोबाल, सिबोन, अना, 21 दीसोन, एसेर, अउ दीसान, एदोम देस हे सेईर कर हइ होरी टोरवा अपन परवार के मुखिया रथै। 22 लोतान, होरी हेमाम के बाफ रथै, तिम्ना लोतान के बेहन रथै। 23 हइ सोबाल के हइ टोरवा हुइन, आल्वान, मानहत, एबाल, सपो, अउ ओनाम। 24 हइ सिबोन कर टोरवा हबै, अय्या अउ अना, हइ उहै अना हबै, जउन अपन बाफ सिबोन के गदहा के चराउत टेम पतेरा छो तात पानी के झरना पाय रथै। 25 हइ अना कर टोरवा हबै, दीसोन टोरवा, ओहोलीबामा टोरिया। 26 दीसान कर चारठे टोरवा रथै, हेमदान, एस्बान, सितरान अउ करान। 27 हइ एसेर कर टोरवा हबै, बिल्हान, जावान अउ अकान। 28 हइ दीसान कर टोरवा हबै, ऊस, अरान। 29 हइ होरी जात के मुखिया हुइन, लोतान, सिबोन, सोबाल, अना, 30 दीसोन, एसेर, दीसान, हइ मनसे उन परवार के मुखिया रथै जउन सेईर देस हे होरी रथै।

एदोम कर राजा

31 ऊ टेम एदोम देस हे कइठे राजा रथै, इस्राएल हे राजा के होमै के बोहत पहिले एदोम देस हे राजा रथै। 32 बोर कर टोरवा बेला एदोम देस हे राज करिस, अउ ओखर राजधानी के नाम दिन्हाबा हबै। 33 जब बेला मरिस, तब बोस्रा सहर के रहै बाले जेरह कर टोरवा योबाब ओखर जिघा हे राज करिस। 34 जब योबाब मरिस तब तेमानी जात के देस के निबासी हूसाम ओखर जिघा हे राज करिस। 35 हूसाम मरिस तब बदद कर टोरवा हदद ओखर जिघा हे राज करिस, हइ उहै हबै जउन मिदयानियन के मोवाब के देस हे हराय रथै, अउ ओखर राजधानी के नाम अबीत हबै। 36 जब हदद मरिस तब मस्रेकावासी सम्ला ओखर जिघा हे राज करिस। 37 जब सम्ला मरिस तब साउल जउन महानद के तटबाले रहोबोत सहर के रथै, ऊ ओखर जिघा हे राज करिस। 38 जब साउल मरिस तब अकबोर कर टोरवा बाल्हानान ओखर जिघा हे राज करिस। 39 अकबोर कर टोरवा बाल्हानान मरिस तब हदर ओखर जिघा हे राज करिस, ओखर राजधानी के नाम पाऊ हबै, ओखर डउकी के नाम महेतबेल रथै, ऊ मेजाहब के नतिनिया अउ मतेरद के टोरिया रथै। 40 एसाव कर परवार के मुखिया के नाम उनखर कुल अउ रहैबाले जिघा के जसना हइ नाम हबै, तिम्ना, अल्बा, यतेत, 41 ओहोलीबामा, एला, पीनोन, 42 कनज, तेमान, मिबसार, 43 मग्दीएल, अउ ईराम, जउन देस एदोम परवार अपन हक हे कर लय रथै, उनखर रहैबाले जिघा के जसना इहै एदोम मतलब कि एसाव, जउन एदोम परवार के मूल बाफ हबै परवार के मुखिया हबै।