1 हइ बातन के बाद असना होथै, कि मिस्र देस के राजा फिरोन के दुइठे हरवाह कुछ अपराध करे रथै, हइ हरवाहन मसे अक्ठी रोटी पकामै बाले अउ दूसर मोहरस के रस्सा दे बाले के उप्पर गुस्साय रथै। 2 तब फिरोन राजा अपन उन दुइठे सुपाही, मतलब मोहरस के रस्सा के साहब, अउ रोटी पकामै बाले के साहब के उप्पर गुस्सा हुइस 3 इहैनिता फिरोन राजा उन दोनो के जेल हे डलवाय देथै, जिहां यूसुफ जेल हे रथै। 4 तब सुपाही दुनो कैदी के यूसुफ के नजर हे रखथै, दोनो कुछ टेम तक जेल हे रहिन। 5 अक रोज मिस्र देस के राजा के मोहरस अउ रोटी पकामै बाले मनसे सपना देखथै, हर सपना के अपन अक्ठी खास मतलब रथै। 6 जब यूसुफ सुबेन्ने उनखर लिघ्घो आइस अउ ऊ उनके देखथै, तब ऊ उदास रथै। 7 ऊ फिरोन के साहब लग जउन ओखर संग ओखर मालिक के घर हे जेल हे रथै, पूंछथै, "आज तोर मुंह काखे उतरे हर हबै?" 8 उन यूसुफ लग कथै, हम सपना देखे हवन, पय इहां उनखर मतलब बतामै बाले कउ नेहको हबै। यूसुफ कथै, का हइ सही हबै कि सपना के मतलब बतामै के केबल भगवान के काम है? किरपा करके मोके सुनाबा। 9 इहैनिता मोहरस दे बाले हरवाह यूसुफ के अपन सपना गुठेइस, हरवाह कथै, "मै सपना हे अंगूर कर बेल देखेव। 10 ऊ अंगूर के बेल के तीनठे डगाइल रथै, मै डगाइल हे फडुहा आउत अउ उनके अंगूर बनत देखेव। 11 मै फिरोन के खोरिया मोर हाथ हे रथै, इहैनिता मै अंगूर के लयों अउ खोरिया हे रस निचोडा, तब मै खोरिया के फिरोन के दयों। 12 तब यूसुफ कथै, मै तोके सपना के मतलब समझइहों, तीन डगाइल के मतलब तीन रोज हबै। 13 तीन रोज बीतै के बाद पहिले फिरोन राजा तोके माफ करही अउ तोके तोर काम हे लउटै देही, तै फिरोन के निता उहै काम करहे जउन पहिले करत रहस। 14 पय जब तै छुटहे इहां लग ता मोके सुरता रखबे, मोर मदत करबे, फिरोन लग मोर बारे हे कहबे, जेखर मै हइ जेल लग बाहिर हुइ सको। 15 मोके अपन घर लग लाय गय रथो, जउन मोर अपन मनसे इबरानी के देस हबै, मै कउनो गलती नेहको करे यहों, इहैनिता मोके जेल हे नेहको होमै चाही।" 16 रोटी बनामै बाले देखिस कि दूसर हरवाह के सपना निक्खा रथै, इहैनिता रोटी बनामै बाले यूसुफ लग कथै, "मै सपना देखो, मै देखो कि मोर मूंड हे तीन चरका रोटिन के टोपरी हबै। 17 सब लग उप्पर के टोपरी हे फिरोन कर निता हर मेर के पके हर भोजन रथै, हइ भोजन राजा के निता रथै, पय हइ भोजन के चिरइया खथै।" 18 यूसुफ जबाब देथै, "मै तोके गुठेहुं कि सपना कर मतलब काहिन हबै? तीन टोपरी के मतलब तीन रोज हबै। 19 तीन रोज बितै के पहिले फिरोन राजा तोके हइ जेल लग बाहिर निकाडही, तब राजा तोर मूंड के काटही, ऊ तोर देह के अक्ठी खंम्भा हे लटकाही अउ चिरइया तोर देह के खाही।" 20 तीन रोज के बाद फिरोन कर जनम दिन रथै, फिरोन अपन सगलू हरवाहन के खाय के निता बुलाथै, खाय के टेम हे फिरोन मोहरस दे बाले अउ रोटी बनामै बाले हरवाह के जेल लग बाहिर आमै दइस। 21 फिरोन मोहरस दे बाले हरवाह के आजाद कर दइस, फिरोन उके काम हे रख लेथै, अउ मोहरस दे बाले हरवाह फिरोन के हाथ हे अक्ठी मोहरस कर रस खोरिया हे दइस। 22 पय फिरोन राजा रोटी बनामै बाले के मार डारिस, सगलू बात जसना यूसुफ गुठेय रहै ओसनेन हुइस। 23 पय मोहरस कर रस दे बाले हरवाह यूसुफ के सुरता नेहको करथै, उके बिसर गइस।