Gênesis 5

आदम कर परवार

1 आदम कर परवार हइ मेर हबै, जब भगवान मनसे के बनाइस तब अपनै मेर ओही बनाइस।✝5:1 मत्ती 1:1; 1 कुरि 11:7 2 ऊ डउका अउ डउकी करके मनसे के बनाइस अउ उनके आसिरवाद दइस, अउ उनके स्रस्टी के दिन उनखर नाम आदम रखिस।✝5:2 मत्ती 19:4; मरकुस 10:6 3 जब आदम अक सव तीस साल के हुइस, तब ओखर दवारा ओखरै जसना हे ओखर रूप कर जसना अक्ठी टोरवा हुइस। ऊ ओखर नाम "सेत" धरिस। 4 सेत कर पइदा होय के बाद आदम आठ सव साल जिन्दा रहिस, अउ ओखर अउ टोरवा टोरिया पइदा हुइन। 5 हइ मेर आदम कर कुल साल नव सव तीस साल के हुइस, एखर बाद ऊ मर गइस। 6 जब सेत अक सव पांच साल के हुइस, तब एनोस के पइदा करिस। 7 एनोस कर बाद सेत आठ सव साल जिन्दा रहिस, अउ ओखर बाद अउ टोरवा-टोरिया पइदा हुइन। 8 हइ मेर सेत कुल नव सव बारह साल जिन्दा रहिस, एखर बाद ऊ मर गइस। 9 जब एनोस नब्बे साल कर हुइस, तब केनान के पइदा करिस। 10 केनान के बाद एनोस आठ सव पन्द्रा साल जिन्दा रहिस, अउ ओखर अउ टोरवा-टोरिया हुइन। 11 हइ मेर एनोस नव सव पांच साल जिन्दा रहिस, एखर बाद ऊ मर गइस। 12 जब केनान सत्तर साल के हुइस, तब ओखर लग महललेल पइदा हुइस। 13 महललेल के पइदा होय के बाद केनान आठ सव चालीस साल जिन्दा रहिस, अउ ओखर टोरिया-टोरवा हुइन। 14 हइ मेर केनान कुल नव सव दस साल जिन्दा रहिस, एखर बाद ऊ मर गइस। 15 जब महललेल पैसठ साल के हुइस, तब ओखर लग येरेद के पइदा करिस। 16 येरेद के पइदा होय के बाद महललेल आठ सव तीस साल जिन्दा रहिस, अउ ओखर अउ टोरवा-टोरिया पइदा हुइन। 17 हइ मेर महललेल के कुल साल आठ सव पंचानबे साल हुइस, एखर बाद ऊ मर गइस। 18 जब येरेद अक सव बासठ साल के हुइस, तब हनोक के पइदा करिस। 19 हनोक कर बाद येरेद आठ सव साल जिन्दा रहिस अउ ओखर टोरवा-टोरिया हुइस। 20 हइ मेर येरेद कर कुल साल नव सव बासठ के हुइस, एखर बाद ऊ मर गइस। 21 जब हनोक पैसठ साल के हुइस, तब मतूसेलह के पइदा करिस। 22 मतूसेलह कर बाद हनोक तीन सव साल तक भगवान के संग-संग चलत रथै, अउ ओखर टोरवा-टोरिया हुइन। 23 हइमेर हनोक के कुल साल तीन सव पैसठ के हुइस। 24 हनोक भगवान के संग-संग चलथै, फेर ऊ लुक गय काखे भगवान उके उठाय लइस।✝5:24 इब्रानिन 11:5 25 जब मतूसेलह अक सव सतासी साल के हुइस, तब लेमेक के पइदा करिस। 26 लेमेक कर बाद मतूसेलह सात सव बयासी साल जिन्दा रहिस अउ ओखर टोरवा-टोरिया हुइन। 27 हइ मेर मतूसेलह नव सव उनहत्तर साल जिन्दा रहिस, एखर बाद ऊ मर गइस। 28 जब लेमेक अक सव बयासी साल के हुइस, तब ओखर लग अक्ठी टोरवा पइदा हुइस। 29 ऊ हइ कहिके ओखर नाम नूह धरिस, "भगवान जउन भुंइ के सराप दय रहिस, ओहमा काम करत टेम हमर बोहत मेहनत हे हइ हमके आराम देही।" 30 नूह के पइदा होय के बाद लेमेक पांच सव पंचानबे साल जिन्दा रहिस अउ ओखर टोरवा-टोरिया पइदा हुइन। 31 हइ मेर लेमेक कुल सात सव सतहत्तर साल जिन्दा रहिस, एखर बाद ऊ मर गइस। 32 जब नूह पांच सव साल के हुइस, अउ नूह लग सेम, अउ हाम, अउ येपेत पइदा हुइन।