उत्पत्ति 8

6 नूह चालीस रोज के बाद जिहाज के खिडकी खोलथै, जेही ऊ खुद बनाय रथै, 7 अउ नूह अक्ठी कउवा के उडवाथै, जब तक भुंइ सुखाय नेहको गइस तब तक कउवा इछो-उछो उडत रथै। 8 एखर बाद नूह हइ देखै के निता अक्ठी परेबा के उडाथै, कि भुंइ लग पानी घटिस कि नेहको घटिस। 9 पय परेबा के अपन गोड धरै के निता भुंइ हे जिघा नेहको मिलथै, काखे सगलू भुंइ हे पानी भररेहर रथै, अउ परेबा नूह के लिघ्घो जिहाज हे लउट आथै, नूह अपन हाथ बढाय के परेबा के पकड लेथै, अउ जिहाज के भित्तर अपन संग लइ जथै। 10 तब अउ सात रोज तक रुके रथै, एखर बाद नूह फेरै अक्ठी परेबा के उडाथै, 11 अउ संझा के टेम परेबा ओखर लिघ्घो लउट आथै, ओखर चोंच हे ताजा टोरे हर जैतून कर पत्ता रथै, एखर बाद नूह के पता हुइ जथै कि भुंइ लग पानी घट गय हबै। 12 पय नूह सात रोज तक अउ रुके रथै, एखर बाद नूह परेबा के उडाथै, पय परेबा ओखर लिघ्घो लउटके नेहको आथै।