44 Onse Vodasch hauden daut Zelt vom Zeichnis enne Wiltnis, soo aus dee, dee to Moses räd, daut befool, woo hee daut moaken sull, nom Väabilt, daut hee jeseenen haud, 45 daut onse nokomende Vodasch uk nenn-neemen met Josua, en de Heiden äa Besitz, dee Gott ver onse Vodasch äa Jesecht rutdreef, bat en David siene Doag. 46 Dee funk Jnod ver Gott un bedd doarom, fa Jakob sien Gott eene Woninj to finjen. 47 Oba Salomo bud Am een Hus.

48 Oba de Aulahechsta wont nich en Tempels, von Henj jemoakt, soo aus de Profeet sajcht: 49 "De Himmel es mien Troon un de Ieed miene Footbenkj. Waut fa een Hus well jie Mie buen?" sajcht de Har, "ooda woont es de Städ fa miene Ru? 50 Haft nich miene Haunt aul dit jemoakt?"