De Aposteljeschicht 8

18 Aus oba Simon sach, daut derch daut Henj-Opplajen von de Apostel, de Heilja Jeist jejäft wort, boot hee äant Jelt aun 19 un säd: Jäft mie uk dise Vollmacht, daut, wan ekj wäm de Henj opplaj, dee dan uk dän Heiljen Jeist kjricht. 20 Petrus oba säd to am: Mucht dien Jelt met die toop en daut Vedoawen foaren, wiels du meenst, daut Gott siene Gow met Jelt to kjrieen jeit! 21 Du hast kjeen Deel uk nich Oafgoot aun dit Wuat*8:21 Ooda: dise Sach., wiels dien Hoat es nich opprechtich ver Gott. 22 Doo Busse von dit, dien Beeset, un bäd to Gott, veleicht muchten die diene Hoatens-Jedanken vejäft woaren. 23 Wiels ekj see, daut du en eene Gaul von Bettanis un en een Baunt*8:23 Ooda: eene Vewekjlunk. von Ojjerajchtichkjeit best. 24 Dan auntwuad Simon un säd: Bät jie fa mie to däm Harn, soo daut nuscht von daut äwa mie kjemt, waut jie jesajcht haben.