Salmos 32

Dawiti Hassa7an Shiishshida Ginxo

1 Iza mooroy atto geetettidayssinne

iza nagaray

kamettiday anjjettidayssa.

2 GODAY iza nagara

qoodonttaadeynne

iza qofan

baleththoy baynday anjjettidayssa.✝32:1-2 Oro 4:7-8

3 Tani ta nagara paaxontta dashe

gallas kumeth ceeciin

ta asateththay daaburdes.

4 Gallassinne qamma ne kushey

ta bolla deexxides;

haaththi bone awan micciza mala

ta wolqqay cingi wurides.

5 Tani ta nagara nees paaxadis;

ta qohidayssa neeppe

genththabeekke;

«Ta mooroza GODAAS

paaxana» gadis.

Histtiin ne ta nagara

ubbaa atto gadasa.

6 Hessa gishshas xillo asi

neni beettiza wode nena woosso;

di7oy izi diza heera

meecci efikkoka iza bochchenna.