ଯାତ୍ରା 12

12 ବେଲାକି ମାନାଡ଼୍ ନେଣ୍ଡ୍‌ ନାର୍କା ମିସର୍ ଦେଶ୍‌ମିକା ଇସ୍‍ ଆଞ୍ଜ୍‌ ମିସର୍‍ ଦେଶତେ ନାରୁଡ଼୍ ନୁ ଜିୱାକିନ୍ ସାରେ ପ୍ରତମ୍‌ ଜନ୍ମତିଙ୍କ୍‌ ନଷ୍ଟ ମାଡ଼ିକାଡ଼୍‌; ମେଣ୍ଡେ, ମିସ୍ରୀୟତେ ସାରେ ଦେୟାକିଙ୍କ୍‌ ବିଚାର୍‍ ମାଡ଼ି ଦଣ୍ଡ ଇଦିକାଡ଼୍; ମାମେ ସଦାପ୍ରବୁ । 13 ଆଦିନ୍‌ମାଇଦିଙ୍କ୍‌ ମିଡ଼୍ ବେନ୍‍ ବେନ୍‍ ଲକିନାଗେ ମାନ୍‌ତିଡ଼୍‌, ବେନ୍‌ ବେନ୍‌ ଲକିନାଗେ ଆ ନେତୁର୍‌ତେ ଚିହ୍ନେଲେକାମ୍ ମାନ୍‌ତେ; ମେଣ୍ଡେ ମାନାଡ଼୍‌ ମିସର୍‍ ଦେଶତିଙ୍କ୍‌ ଦଣ୍ଡ ଇଦାନ୍‌ ସମୟତେ ଆ ନେତୁର୍‌ ଉଡ଼୍‍ତଡ଼୍‌, ମିକିଙ୍କ୍‌ ୱିଡ଼୍‌ସି ମୁନେ ଆଦିକାଡ଼୍‌, ମେଣ୍ଡେ, ନଷ୍ଟ ମାଡ଼ାନାଦ୍‌ ନୁ ରେଃତାଦ୍‌ ମି ପରୁ ଗଟେମ୍‌ ଆୟ।