Lucas 19

Jesu naZakeyo

1 Adopinda nomuJeriko maanga achipindirira. 2 Panga pano murume waiitiwa Zakeyo, waiva mukuru wovateresi, adopfuma. 3 Adotsvaga kuona kuti Jesu mbani, asi waigonaba, nondava yovanhu nokuti wanga ari mupfupi. 4 Saka adomhanyira kumberi ndokukwira mumuti womukuyu kuti amuone, nokuti wanga waakupinda nopakarepo. 5 Zvino Jesu paadosvika pakarepo adonangara mudenga ndokuti kwaari, "Zakeyo, buruka nokamangu, ndava ndinofanira kugara kumba kwako nasi."

6 Saka adokurumidza kuburuka, ndokumutambira nomufaro. 7 Pavadozviona vese vadonyunyuta, "Wapinda koita murendo womunhu mutadzi."

8 Zvino Zakeyo adosumuka ndokuti kuna Ishe, "Onai, Ishe, ndinopereka chikamu chopakati chopfuma yangu kuvarombo, futi kana pano chandabiridzira umwe munhu, ndinochidzotsera chapetewa kanai."

9 Jesu adoti kwaari, "Nasi ruponiso rapinda mumba muno, sezvo naiyewo ari mwanakomana waAbhurahamu. 10 Ndava Mwanakomana woMunhu adouya kotsvaga nokuponesa chidotaika."