João 5

Yesu komhonya mbetembete mdizua da kuhumula da Wayahudi

1 Amala baho, hakala na lusona wa dini ya Kiyahudi, nayo Yesu kaita Yelusalemu. 2 Uko Yelusalemu behi na lwivi ukemigwa lwivi lwa ng’hondolo, hakala na lamba da mazi dikemigwa kwa Chiebulania Betizata, najo dikala na sanha tano vili na vizanda. 3 Umo muluhelengo wakala watamu wengi watambalale,wanhu hao wakala vipofu na mbetembete na waholole ng’huli wakala wobeta mazi gatibuligwe. 4 Manake hana chipindi na chipindi mtumigwa wa kuulanga kwa Mulungu kakala kohulumuka na kwingila mdilamba na kugatibula mazi. Baho yalongole kwingila mgamazi gatibuligwe kohona utamu wake wose yelinao. 5 Baho hakala na munhu imwe yakalile mtamu kwa milao selasini na minane. 6 Yesu viyamonile iyo munhu kawasa, kuno yovimanya mtamu iyo kakala baho kwa mazua mengi, kamuuza, "Vilihi, konda kuhona?"

7 Ija mtamu kalonga, "Muhenga niye nabule munhu wa kunigela mgamazi gatibuligwe. Kwa vija chila nihageza kwingila, munhu imwenga konilongolela."

8 Yesu kamlongela, "Ima, sola chilago chako ugende." 9 Bahaja mtamu ija kahona, kasola chilago chake kagenda.

Nayo ikala zua da kuhumula da Wayahudi ,