João 9

Yesu komuhonya munhu yaleligwe chipofu

1 Zua dimwe Yesu viyakalile kobita kamona munhu imwe yakalile chipofu kulawa viyaleligwe.

2 Waluko wake wamuuza, "Mfundaji, yelihi yeli na malozo, munhu ino hebu Tati na mami yake mbaka yaleligwe chipofu?"

3 Yesu kedika, mbuli ino hailawile kwa malozo gake ino hebu malozo ga tata na mami yake, mbali kaleligwa chipofu ili udaho wa Mulungu uwoneke muugima wake. 4 Cholondeka kusang’hana sang’hano za ija yachitumile ing’hali imisi, kwa vija chilo yokwiza habule munhu yoyose yoodaha kusang’hana sang’hano.

5 Nihawa muuisi ino niye iyo bung’hulo da isi."

6 Viyakomeleze kugalonga gago, katema mate gake hasi, kasang’hana nhope kwa gaja mate gake, amala kasola nhope kamhaka mzing’hope za ija munhu chipofu,

7 amala Yesu kamlongela munhu ija, "Genda kasunhe chihanga chako mdilamba da Siloamu." Zina Siloamu manake yatumigwe. Na ija munhu chipofu, kaita kusunha chihanga chake amala kabwela yolola.