24 Yesu kawalinga wanhu mbuli imwenga,"Ufaume wa kuulanga uilinga na munhu yahandile mbeyu inogile mumgunda. 25 Chilo chimwe wanhu viwakalile wawasa, mbananzi keza kahanda mahembahemba muuhemba na kasegela. 26 Amala mbeyu vizotile na kukula na kulava mbelewela, na mahembahemba nago gasonga kufumula. 27 Watumigwa wa mwene mgunda wamuwinza wamlongela, ‘Mndewa gweye sikuhanda mbeyu zinogile muugunda wako, ivo mahembahemba gano galawa kulihi?’ 28 Mwenemgunda kawedika, ‘Mhasanyi iyo yasang’hane ivo,’ baho watumigwa wake wamuuza. ‘Kolonda cheye chiite kugang’ola?’ 29 Nayo kawedika, ‘Habule,’ lekeni, ‘Kwavija mhang’ola mahembahemba moung’ola uhemba ivija. 30 Vilekeni vose vikule hamwe mbaka mumlao. Amala nowalongela wasengaji tanhu wakunzanye mahembahemba makinza makinza wagasome moto, labaho wasenge uhemba wawike mdigulu jangu.’"