Levítico 21

Nhama ku’nguno ya wu’sondo wa v’ahozya

1 Gu’ku' Mulungu wamuwi’laga Mose ati', "U’v’awi’le v’ahozya, v’ana v’amwa Aloni v’a ki’gosya ati', ‘Muhozya ninga yu’mo ku’du' ize itu’u’li’le zoma ku' ku’kuumya mulambo gwa muntu' mugati' na v’a igongo lyakwe, 2 sumbwa u’lu' gu’li' mulambo gwa mudu’gu’ye wa bi’hi' ki’ti' i’vi ise ninga nnina, mwana wakwe, ninga mudu’gu’ye wa ki’gosya, 3 ninga mudu’gu’ye wa ki’ki’ma musimbe. Ku’nguno ali' wu’du’hu' mugosya wa ku’muzyi’ka, akowolile kwitu’u’li’la zoma ku’nguno yakwe. 4 Muhozya ku’du' ize itu’u’li’le zoma mweni’ki’li' ku’nguno ya v’antu' av’o ali' bi’hi' nav’o ku' kwitoolela.

5 " ‘V’ahozya ku’du' v’amoge ki’pala ninga ku’moga mu mpelo ya ndezu zyav’o, ninga ku’sala nsale mu miv’i’li' zyav’o ku’nguno ya v’afwile. 6 Yi’li’v’adima v’ahozya ku’v’a v’asondo ku’mwa Mulungu wav’o. V’aleke ku’li’yagazya lina lyamwa Mulungu wav’o, ku’nguno hu' v’ene v’ali’fumyaga kalu’mbi’lo ka ku’zigya ku’mwa Gu’ku' Mulungu, yaani kalu’mbi’lo ka viliwa ku’mwa Mulungu wav’o. Ku’nguno yeni’yo yi’li’v’adima ku’v’a v’asondo.

7 " ‘Ku’du' v’atoole muki’ma wa zoma ya wu’lav’a, ninga u’yo walekilwe na mugosi, ku’nguno v’ahozya v’ali' v’asondo ku’mwa Mulungu wav’o. 8 Muv’awone v’ahozya ku’v’a v’ali' v’asondo, ku’nguno hu' v’ene v’ali’fumyaga kalu’mbi’lo ka viliwa ku’mwa Mulungu winywe. V’alav’e v’asondo ku' winywe, ku’nguno ene, Gu’ku' Mulungu u’yo nu’musondohya inywe, ni' musondo.

9 " ‘U’lu' mwana wa ki’ki’ma wamwa muhozya av’ezye zoma ya wu’lav’a, sanga ali’mupondansoni ise. Yi’li’mudima atimwe mu moto.

10 " ‘Muhozya muhanya mugati' na v’adu’gu’ye, u’yo wav’ililwe maguta ku' mutwe gwakwe na ku’simi’kwa ki’gele azwale vizwalo visondo, ku’du' azisalambanie nyele zyakwe ninga ku’zemula myenda zyakwe ku’nguno ya v’afwile. 11 Ku’du' ingi’le u’mo gu’li’mo mulambo, na kwitu’u’li’la zoma ku’nguno yamwa ise ninga nnina. 12 Ku’du' ize ahafume hantu' hasondo hamwa Mulungu wakwe, na ku’hatu’u’li’la zoma ku’nguno ya v’afwile, ku’nguno wasondohilwe ku' ku’v’ilwa maguta masondo gamwa Mulungu wakwe. Ene hu' ni' Gu’ku' Mulungu.

13 " ‘Muhozya muhanya ali’koov’iwa ku’toola muki’ma u’yo akaali' ku’manya mugosya. 14 Ku’du' ize atoole muki’ma u’yo afwi’lilwe mugosi, ninga wa ku’lekwa na mugosi, ninga mulav’a. Alatoole du' u’yo akaali' ku’manya mugosya na av’e wa ku’fuma mugati' na v’antu' v’a igongo lyakwe lya ki’hozya, 15 ki’gele ku’du' ize av’atu’u’li’le zoma v’ana v’akwe mugati' na v’antu' v’a igongo lyakwe. Ene hu' ni' Gu’ku' Mulungu wa ku’musondohya.’ "

16 Gu’ku' Mulungu wamuwi’laga Mose, 17 "U’muwi’le Aloni ati', ‘Ku' wu’v’yalwa u’wo wizile, muv’yalwa wako u’yo alav’e na wu’lema akasye egele ha ihozezyo ku’fumya kalu’mbi’lo ka viliwa ku’mwa Mulungu wakwe. 18 Muntu' ninga yu’mo wa wu’lema ku’du' egele: muhofu, wa ki’tewe, u’yo av’ipile wu’syu' ninga viv’alango vyakwe vikagelani’lile, 19 u’yo avuni’kile mugu’lu' ninga mukono, 20 ninga wa igonde, ninga u’yo akonile, ninga wa iv’elav’ela, ninga wa lu’kalawo ninga wu’lema wu’ngi' wa ndi’li', ninga u’yo avulali’kile mpese zya ki’gosya. 21 Muv’yalwa wa muhozya Aloni u’yo ali' na wu’lema ninga wu’mo ku’du' ize egele ku’fumya kalu’mbi’lo ka ku’zigya ku’mwa Gu’ku' Mulungu, yaani kalu’mbi’lo ka mbutoo ku’mwa Mulungu wakwe. 22 Muntu' mwenu’yo akowolile ku’lya ki’liwa ki’sondo chamwa Mulungu wakwe, na i’cho ki’li' ki’sondo muno, 23 ali’vi ku’nguno ya wu’lema wakwe, ku’du' ize egele bi’hi' na muki’ngo gwa mugati' ninga ku’lyegela ihozezyo. Ku’du' ize ahav’ezezye zoma hantu' hasondo ha wanne. Ene hu' ni' Gu’ku' Mulungu, wa ku’v’asondohya v’ahozya.’ "

24 Hohene Mose wav’awi’laga gose Aloni na v’aane, haki’mo na V’aizilaeli v’ose.