14 Abramu hayahulike ka mwana wa ndughu yake kaghoghighwa na kasolighwa, kalawa na iwanu wake miya ndatu kumi na nane iwalangulitsighwe kwitowa pfinoghile iwelekighwe mkaye mwake, kawawinzilitsa mbaka Dani. 15 Nechilo chicho Abramu kawaghola iwanu wake wakawatowe iwanu awo, wawatowa na wawawinga mbaka Hoba, ubali wa kuchang’a wa Damasikasi. 16 Apfo koyitsa mali tsose na kamuyitsa Loti ndughu yake na mali tsake, hamwe na iwapinga na iwanu wangi.
18 Kuya Melikisedeki mfalume wa Salemu, kaghala chighate na dipfai. Melikisedeki tsakakala mlapfa nambiko wa Imulungu iyali Kuchanya Ng’ani, 19 kambaliki Abramu, kamlongela,
"Abramu kubalikighighwa ne Imulungu iyali Kuchanya Ng’ani,
iyalumbile isi na lilanga.
20 Yatunitsighwe Imulungu iyali Kuchang’a Ng’ani,
iyakwapfile kuwahuma awala iwokwihila."
Kuya Abramu kalapfa lifungu lya kumi mna ipfinu pfake pfayalinapfo.