10 Kuya Imkulu yumwe kamlongela, "Nitsokuyila ghendo ghamatsuwa ka ghano ghumwaka iukutsa na pinga wako Sarai katsakuwa ne imwana mmale."
Sarai tsakakala kuchughu mwa libani lye lihema kotegheletsa. 12 Apfo Sara kasekelela mmoyo mwake kalonga, "Nene nilala, pfipfila mmale wangu naye kalala, nitsodahatse kudeng’ela na kupata iwana?"
13 Kuya IMNDEWA kamghutsa Abrahamu, "Ule Sara koseka na kolonga, ‘Nene nilala, nitsodahatse kweleka iwana?’ 14 Apfi kuna chinu chochose ing’achidahika baye kwe IMNDEWA? Nitsokuyila ghamatsuwa ka ghano ghumwaka iukutsa na Sara katsakweleka imwana mmale."