5 Chilo chimwe Yosefu kalota ndoto, lekeni hayawalongele ndughu tsake, wose tsawamuhila ghendo. 6 Kawalongela, "Mtegheletse ndoto yanilotile. 7 Tsanilota pfino, wose tsatung’ali kumghunda twakoa makinza ghe mibeleghe, bahala kinza lyangu linuka wima. Baho, makinza ghenu tsaghatsunguluka na kughwinamila mbeleghe ghwangu."
8 Ndughu tsake wamghutsa, "Pfii kwobama ututawale? Apfi kutsotutawala?" Apfo wose tsawamuhila ghendo kwa ndoto yake na achila chayawalongele.
9 Kuya Yosefu kalota keli, kawalongela ndughu tsake, "Mtegheletse, nilota keli, litsua, lwetsi na tsinondo kumi na imwe tsininamila nene."