1 IMNDEWA kamlongela Nuhu, "Wingile mna safina, ghwegwe ne iwanu wose wa kaye yako, kwaapfila nikwona ghweghwe uliheka iutenda ghanoghile mna isi yose.
6 Nuhu tsakakala na miyaka miya sita gharika haitsile muisi. 7 Nuhu, mwehe wake, iwanaghe ne iwapinga wawo wengila mna safina ng’ana gharika itse.
11 Nuhu hayang’ali na miyaka miya sita, mna litsuwa lya kumi na saba ghumwetsi ghwa kabili, mbwibwi tsose itsighendese hasi tsilapfa ghamatsi, na kulanga tsakufughuka. 13 Mna litsuwa lilila Nuhu na mwehe wake na iwanaghe, Shemu, Hamu na Yafeti na wehe tsawo wadatu wengila mna safina. 16 Iwanyama wose iwengile tsawakala mmale ne ipinga, ka Imulungu pfayamlaghitse Nuhu. Kuya IMNDEWA kamuhindila.
17 Gharika ighendelela kwa ghamatsuwa alubaini, ghamatsi ghamema na safina yelela mchanya mwa isi. 18 Ghamatsi ghaghendelela kumema muisi na safina yelela mchanya mwake. 24 Ghamatsi agho tsaghakala muisi ghamatsuwa miya imwe na hamsini.